పటాన్చెరు(గుమ్మడిదల), వెలుగు: ప్రభుత్వం పేదల ప్రజలకు, రైతులను న్యాయం చేసేదాక పోరాటం ఆగదని సీపీఎం నేతలు అన్నారు. సంగారెడ్డి జిల్లా గుమ్మడిదల మండల పరిధిలోని ప్యారానగర్లో గల వందల ఎకరాల భూమిని పేద రైతులకు కేటాయించాలని డిమాండ్ చేస్తూ.. గురువారం గుమ్మడిదల మండల కేంద్రంలో ఆందోళన కు సిద్ధమయ్యారు. సీపీఎం నేతలతో పాటు పలువురు ప్రజలు పెద్ద సంఖ్యలో గుమి కూడి ఆందోళన చేసేందుకు సిద్దమవుతుండగా విషయం తెలుసుకున్న పోలీసులు అక్కడికి వచ్చి, సీపీఎం నేతలను అదుపులోకి తీసుకున్నారు. వారిని పోలీస్ స్టేషన్కు తరలించి సాయంత్రం వదిలి పెట్టారు.
