- కిలోమీటర్ మేర ట్రాక్పై క్రాక్స్
- నానక్రామ్ గూడ నుంచి ఓఆర్ఆర్ఇంటర్ ఛేంజ్ వరకు నిర్మాణం
- 23 కిలోమీటర్లకు రూ. 93 కోట్ల ఖర్చు
హైదరాబాద్సిటీ,వెలుగు : మూడేండ్ల కింద అప్పటి బీఆర్ఎస్ ప్రభుత్వం ఔటర్రింగ్రోడ్ను ఆనుకుని హైటెస్సిటీ వద్ద నానక్రామ్గూడ నుంచి ఓఆర్ఆర్ ఇంటర్ఛేంజ్ వరకూ 23 కి.మీ. మేర నిర్మించిన సైకిల్ ట్రాక్పై పగుళ్లు ఏర్పడ్డాయి. అప్పటి మున్సిపల్ శాఖ మంత్రిగా ఉన్న కేటీఆర్ఈ సైకిల్ ట్రాక్ను ప్రతిష్టాత్మకంగా తీసుకుని పూర్తి చేశారు. ఏడాదిన్నర క్రితం ప్రారంభించారు. అప్పటి నుంచి ఈ ట్రాక్ను సైకిలిస్టులు ఉపయోగిస్తున్నారు.
సైకిల్తొక్కే వారిని ప్రోత్సహించాలన్న ఉద్దేశంతో నగరంలో అప్పట్లో పలు ప్రాంతాల్లో సైకిల్ ట్రాక్స్ ఏర్పాటు చేయాలని నిర్ణయించారు. మొదట్లో హుస్సేన్ సాగర్ నెక్లెస్ రోడ్డులో రెండు వైపులా లైన్మార్కింగ్ చేశారు. సంజీవయ్య పార్క్ వద్ద ప్రత్యేకంగా సైకిల్ స్టాండ్ ఏర్పాటు చేశారు. కేబీఆర్ పార్కు చుట్టూ వన్ సైడ్ సైకిల్ ట్రాక్ ఏర్పాటు చేశారు. హైటెక్స్ కమాన్ నుంచి ఎన్ఏసీ వరకు ట్రాక్ లు అందుబాటులో ఉన్నాయి. అయితే, ఇప్పుడు ఔటర్రింగ్రోడ్ఆనుకుని నానక్రామ్గూడ వద్ద నిర్మించిన సైకిల్ ట్రాక్పై పగుళ్లు వచ్చాయి. ఇవి సుమారు కిలోమీటర్వరకు విస్తరించాయి. దీంతో సైకిలిస్టులు ఆందోళన వ్యక్తం చేస్తున్నారు.
కిలోమీటర్కు రూ. 4 కోట్లు ఖర్చు
ఐటి కారిడార్లో పనిచేసే ఉద్యోగులు, సైక్లింగ్అంటే ఇష్టపడే వారు, ఫిట్నెస్కోసం సైకిల్తొక్కే వారి కోసం నానక్రామ్గూడ నుంచి ఓఆర్ఆర్ఇంటర్ఛేంజ్ వరకు సైకిల్ట్రాక్ను రూ. 93 కోట్లతో నిర్మించారు. కిలో మీటర్కు 3.91 కోట్లు ఖర్చయ్యింది. అంతర్జాతీయ స్థాయిలో ట్రాక్ నిర్మిస్తామంటూ ప్రపంచంలోనే అత్యున్నత సైకిల్ ట్రాక్ లను పరిశీలించేందుకు అధికారులు దక్షిణ కోరియా...సౌదీల్లో పర్యటించారు.
ఆయా ప్రాంతాల్లోని ముఖ్యమైన అంశాలను తీసుకొని ఔటర్ రింగ్ రోడ్డువద్ద సైకిల్ ట్రాక్ కు రూపకల్పన చేశారు. 4.5 మీటర్ల వెడల్పుతో మూడు లైన్ల ట్రాక్ సిద్ధం చేశారు. నానక్ రామ్ గూడ నుంచి అప్పా జంక్షన్ ,కోల్లూర్ నుంచి నార్సింగ్ వరకు 23 కిలోమీటర్ల మేర ట్రాక్ ఉండగా 21 కిలోమీటర్ల మేర సోలార్ రూఫ్ టాప్ ఏర్పాటు చేశారు. అయితే, ఇప్పుడు కిలోమీటర్మేర ట్రాక్దెబ్బతినడంతో మిగతా ట్రాక్పరిస్థితి ఎలా ఉంటుందోనని సైకిలిస్టులు ఆందోళన వ్యక్తం చేస్తున్నారు.
