ముంబై: ప్రముఖ ఓటీటీ ప్లాట్‌‌ఫామ్‌ అమెజాన్‌ ప్రైమ్‌ ఇండియా.. క్రికెట్‌‌లైవ్‌ బ్రాడ్‌‌కాస్టింగ్‌ రంగంలో అడుగుపెట్టింది. న్యూజిలాండ్‌(మెన్స్‌, విమెన్స్‌) టీమ్‌ ఆడే మ్యాచ్‌‌ల లైవ్‌ స్ట్రీమింగ్‌(ఇండియాకు మాత్రమే) హక్కులను దక్కించుకుంది. ఈ మేరకు న్యూజిలాండ్‌ క్రికెట్‌ బోర్డుతో ఒప్పందం చేసుకుంది. 2021 చివర్లో మొదలయ్యే ఈ డీల్‌..2025–26 సీజన్‌ వరకు కొనసాగనుంది. దీంతో ఓ క్రికెట్‌ బోర్డుతో ఒప్పందం చేసుకున్న ఇండియాకు చెందిన తొలి స్ట్రీమింగ్‌ సర్వీస్‌‌గా అమెజాన్‌ ప్రైమ్‌ నిలిచింది. ఈ డీల్‌ అమల్లో ఉన్న సమయంలో ఇండియా, న్యూజిలాండ్‌ మధ్య రెండు టూర్లు జరగనున్నాయి. ఇందులో ఒకటి 2022 ప్రారంభంలో ఉండగా.. ఇంకో టూర్‌‌కు సంబంధించిన షెడ్యూల్‌ ఇంకా ఖరారు కాలేదు.
For More News..
