ఇంగ్లండ్ చేతిలో పాకిస్థాన్ చిత్తుగా ఓడిపోయింది. విజయ లక్ష్యాన్ని ఛేదించడంతో చతికిల పడిపోయింది. ఇంగ్లండ్ 93 పరుగుల తేడాతో పాకిస్తాన్ పై విజయం సాధించింది. ఏదశలోనూ లక్ష్యం ఛేదించే దిశగా పాకిస్తాన్ కనిపించలేదు. అఘా సల్మాన్ (51) ఒక్కడే హాఫ్ సెంచరీ చేయగా.. బాబర్ (38) రిజ్వాన్ (36) నామమాత్రపు ఇన్నింగ్స్ ఆడి ఔటయ్యారు. దీంతో 43.3 ఓవర్లలో 244 పరుగులు చేసి ఆలౌట్ అయింది. ఈ టోర్నీ మొత్తంలో పాక్ 9 మ్యాచ్ లకు గానూ 4 గెలిచింది.
మొదట బ్యాటింగ్ చేసిన ఇంగ్లండ్ 9 వికెట్లు నష్టపోయి 337 పరుగులు చేసింది. బెన్ స్టోక్స్ (84), జానీ బెయిర్‌స్టో (59), జో రూట్ (60) హాఫ్ సెంచరీలతో చెలరేగి ఇంగ్లండ్ కు భారీ స్కోరును అందించారు. అయితే ఈ మ్యాచ్ లో ఇంగ్లండ్ గెలిచినా ఫలితం లేకుండా పోయింది. ఇప్పటికే సెమీ ఫైనల్స్ బెర్త్ ను ఇండియా, న్యూజీలాండ్, ఆస్ట్రేలియా, దక్షిణాఫ్రికా జట్లు ఖాయం చేసుకున్నాయి..ఇంగ్లండ్, పాక్ జట్లు రెండూ ఇంటిముఖం పట్టాయి.
