ఆస్ట్రేలియా బిగ్‌ హిట్టర్‌, రాయల్‌ ఛాలెంజర్స్‌ బెంగళూరు కీలక ఆటగాడు గ్లెన్‌ మాక్స్వెల్ త్వరలోనే తండ్రి కాబోతున్నారు. అత‌ని భార్య వినీ రామన్ కు ఈమ‌ధ్యే ఏడు నెల‌ల నిండాయి. దీంతో సోమవారం(జులై 23న) వ‌లైక‌ప్పు అంటే.. ద‌క్షిణ భార‌త దేశంలో నిర్వ‌హించే సాంప్ర‌దాయ శ్రీ‌మంతం వేడుకను ఘనంగా నిర్వహించారు. అచ్చమైన చీరకట్టు, బొట్టులో వినీ రామన్ మహాలక్ష్మిలా కనిపించింది.
శ్రీ‌మంతం ఫొటోల‌ను ఇన్‌స్టాగ్రామ్‌ వేదికగా పోస్ట్ చేసిన వినీ రామన్.. 'బేబీ మ్యాక్స్‌వెల్‌కు మా సంప్ర‌దాయ ప‌ద్ధ‌తిలో ఆశీర్వాదం..' అని క్యాప్ష‌న్ జోడించింది.అందుకు సంబంధించిన ఫొటోలు నెట్టింట వైర‌ల్ అవుతున్నాయి. వినీ సెప్టెంబ‌ర్‌లో బిడ్డ‌కు జ‌న్మ‌నివ్వ‌నున్నట్లు తెలుస్తోంది.
ఆస్ట్రేలియాలో ఫార్మసిస్ట్‌
తమిళనాడుకు చెందిన వినీ ఆస్ట్రేలియాలోని మెల్‌బోర్న్‌లో ఫార్మసిస్ట్‌గా పనిచేసేవారు. ఈ క్రమంలోనే మాక్స్వెల్ తో పరిచయం ఏర్పడి.. అది ప్రేమకు దారి తీసింది. వీళ్లిద్ద‌రూ జంట‌గా 2019లో ఆస్ట్రేలియా క్రికెట్ అవార్డుల వేడుక‌కు హాజ‌ర‌య్యారు. అప్పుడే వీరి ప్రేమ వ్య‌వ‌హారం ప్ర‌పంచానికి తెలిసింది. గతేడాది మార్చిలో వీరి వివాహం జరిగింది.
