- పెరిగిన చోరీలు.. రెట్టింపైన నార్కోటిక్ డ్రగ్ కేసులు
- సైబర్ నేరాలతో రూ.24.7 కోట్లు గల్లంతు
- కేసుల డిటెక్షన్, రికవరీలో వెనుకబాటు
- రోడ్డు యాక్సిడెంట్లు, డెత్లు స్వల్పంగా డౌన్
హనుమకొండ/ వరంగల్, వెలుగు: వరంగల్ పోలీస్ కమిషనరేట్లో మూడేండ్లుగా పెరుగుతూ వచ్చిన క్రైమ్రేట్ఈసారి తగ్గింది. గతేడాది అన్నీ కలిపి 14,731 కేసులు నమోదు కాగా, ఈసారి 14,406 కేసులు నమోదయ్యాయి. వరంగల్ పోలీస్ కమిషనరేట్ పరిధిలోని హనుమకొండ, వరంగల్, జనగామ జిల్లాల పరిధిలో ఓవరాల్గా క్రైమ్రేట్3.21 శాతం తగ్గింది. కమిషనరేట్యాన్యువల్ క్రైమ్ రిపోర్టును వరంగల్ సీపీ అంబర్ కిశోర్ ఝా శనివారం విడుదల చేశారు. సమావేశంలో ఈస్ట్జోన్‌ డీసీపీ రవీందర్‌, ఏఎస్పీ మన్నన్‌ భట్, అడిషనల్డీసీపీ రవి, ఏసీపీలు జితేందర్‌ రెడ్డి, డేవిడ్‌ రాజు, సీఐలు శ్రీనివాస్‌, కరుణాకర్‌ తదితరులు పాల్గొన్నారు.
స్వల్పంగా తగ్గిన మర్డర్ కేసులు..
వరంగల్ కమిషనరేట్లో గతేడాదితో పోలిస్తే ఈసారి మర్డర్లు స్వల్పంగా తగ్గాయి. నిరుడు 48 మర్డర్ కేసులు రిపోర్ట్ కాగా, ఈసారి 40 హత్యలు జరిగాయి. మర్డర్అటెంప్ట్ కేసులు 129 నమోదైతే, ఈసారి 107 నమోదయ్యాయి. కమిషనరేట్లో 2023లో 188 కిడ్నాపింగ్ కేసులు ఫైల్అయితే, ఈ ఏడాది 174 కేసులు రిపోర్టయ్యాయి. నిరుడు జరిగిన 460 రోడ్డు ప్రమాదాల్లో 499 మంది చనిపోగా, 1,398 మంది గాయాలపాలయ్యారు. ఈ సంవత్సరం 417 రోడ్డు యాక్సిడెంట్లు జరగగా, 439 మంది ప్రాణాలు కోల్పోయారు. మరో 1,395 మంది గాయాల బారినపడ్డారు. డ్రంకెన్డ్రైవ్ కేసులు ఈసారి 20,338 నమోదు కాగా, 96 మందికి జైలు శిక్ష పడింది. మొత్తంగా రూ.1.82 కోట్ల జరిమానా కూడా విధించారు.
డ్రగ్, గంజాయి కేసులు పెరిగినయ్..
కమిషనరేట్ఎన్ఫోర్స్మెంట్ఆధ్వర్యంలో నిరుడు నార్కొటిక్ డ్రగ్ కేసులు 75 నమోదు కాగా, 171 మందిని అరెస్ట్ చేసి, రూ.3.39 కోట్ల విలువైన నగదు, సరకును స్వాధీనం చేసుకున్నారు. ఈ ఏడాది 147 కేసులు నమోదు చేసి 331 మందిని అరెస్ట్ చేశారు. రూ.2.63 కోట్లు నగదు, సరకు స్వాధీనం చేసుకున్నారు. టాస్క్ ఫోర్స్పోలీసులు నిరుడు 302 కేసులు పట్టుకోగా, ఈసారి 590 కేసులు పట్టుకున్నారు. వివిధ కేసుల్లో మొత్తంగా 1,145 మందిని అరెస్ట్ చేసి రూ.10.77 కోట్ల నగదు సీజ్చేశారు. ఇందులో అత్యధికంగా 58 గంజాయి కేసులే ఉండగా, రూ.2.02 కోట్ల నగదు పట్టుకోవడం గమనార్హం. రూ.1.39 లక్షల విలువైన గుట్కా, రూ.1.56 కోట్ల విలువైన పీడీఎస్ రైస్ను టాస్క్ ఫోర్స్పోలీసులు స్వాధీనం చేసుకున్నారు.
రికవరీలో వెనకబాటు..
గతంతో పోలిస్తే వరంగల్ కమిషనరేట్ఈసారి దొంగతనాలు పెరిగాయి. నిరుడు 927 చోరీలు జరగగా, రూ.9.9 కోట్ల వరకు ప్రాపర్టీ లాస్జరిగింది. అందులో పోలీసులు 584 కేసులు సాల్వ్చేసి, రూ.4.19 కోట్లు రికవరీ చేశారు. ఈసారి రాయపర్తి బ్యాంక్రాబరీ కేసు సహా ఇతర చోరీలు కలిపి ఓవరాల్గా 948 దొంగతనాలు జరగగా, మొత్తంగారూ.24.6 కోట్లు వరకు దోపిడీ జరిగింది. ఇందులో 519 కేసులు ఛేదించి, రూ.7.1 కోట్లు మాత్రమే రికవరీ చేశారు.
అంటే 54.7 శాతం కేసులు డిటెక్ట్కాగా, రికవరీ 29.10 శాతం మాత్రమే కావడం గమనార్హం. ఈ సారి సైబర్నేరాలు 772 నమోదయ్యాయి. పోలీసులు 114 కేసులు మాత్రమే ట్రేసౌట్ చేసి, 85 మంది అరెస్ట్ చేశారు. సైబర్ నేరగాళ్లు ఓవరాల్ గా రూ.24.7 కోట్ల వరకు కొల్లగొట్టగా, పోలీసులు రూ.1.29 కోట్లు అంటే 5.2 శాతం మాత్రమే రికవరీ చేశారు. దీంతోపాటు తరచూ నేరాలకు పాల్పడుతున్న వారిలో ఈసారి కేవలం ఇద్దరిపై పీడీ యాక్టులు నమోదు చేయడం గమనార్హం.
142 మంది మిస్సింగ్..
నిరుడితో పోలిస్తే కమిషనరేట్ లో ఈ ఏడాది మహిళలపై దాడులు, నేరాలు దాదాపు 11 శాతం తగ్గాయి. నిరుడు ఇవే కేసులు 1269 కేసులు నమోదు కాగా, ఈసారి 1,141 కేసులు నమోదు అయ్యాయి. కమిషనరేట్వ్యాప్తంగా 1.270 మిస్సింగ్ కేసులు నమోదు కాగా, అందులో 1,128 మందిని పోలీసులు ట్రేస్చేశారు. కానీ, ఇంకో 142 మంది ఆచూకీ మాత్రం ఇంతవరకు లభ్యం కాలేదు. కాగా ఆచూకీ లభ్యం కాని జాబితాలో 13 మంది బాలికలు, ముగ్గురు బాలురు ఉండగా, 61 మంది మహిళలు, 65 మంది పురుషులు ఉండటం గమనార్హం.
ట్రాఫిక్ కంట్రోల్, విమెన్ సేఫ్టీపై ఫోకస్..
వరంగల్ కమిషనరేట్లో జరిగిన లోక్సభ ఎన్నికలను ప్రశాంతంగా పూర్తి చేశాం. వేగంగా అభివృద్ధి చెందుతున్న కమిషనరేట్లో ప్రధానంగా ట్రాఫిక్కంట్రోల్, విమెన్సేఫ్టీపై ఫోకస్పెట్టాం. పోలీసుల చర్యలతో క్రైమ్రేట్ కొంతమేరకు తగ్గింది. ట్రేసింగ్, రికవరీ విషయంలో కూడా తగిన చర్యలు తీసుకుంటున్నాం. క్రైమ్, లా అండ్ఆర్డర్, ట్రాఫిక్విభాగాలపై దృష్టి పెట్టి నేరాలను తగ్గించాం. మున్ముందు నేరాల నియంత్రణకు తగిన చర్యలు చేపడతాం.
అంబర్కిశోర్ ఝా, వరంగల్ సీపీ
