హైదరాబాద్: న్యాయపరమైన సమస్యలు రాకుండా తగిన చర్యలు తీసుకొంటూ ఆక్రమణల్లో కూల్చివేతలు చేపట్టాలని సీఎస్ శాంతి కుమారి నాలుగు జిల్లాల కలెక్టర్లను ఆదేశించారు. ఇవాళ సెక్రటేరియట్లో హైదరాబాద్, రంగారెడ్డి, మేడ్చల్, సంగారెడ్డి జిల్లాల కలెక్టర్లతో సీఎస్ సమావేశమయ్యారు. ఈ సందర్భంగా ఆమె పలు సూచనలు చేశారు. నిబంధనల ప్రకారమే ముందుకెళ్లాలని హైడ్రాకు ఇటీవల ఉన్నత న్యాయస్థానం స్పష్టం చేసిందని వివరించారు.హైడ్రా, జీహెచ్ఏంసీ, హెచ్ఎండీఏ, రెవెన్యూ, ఇరిగేషన్ అధికారులు ఈ సమావేశంలో పాల్గొన్నారు.
