ఐపీఎల్‌లో అసలు సిసలు సమరానికి రంగం సిద్ధమైంది. బుధవారం(మే 01) చెపాక్ గడ్డపై పంజాబ్ కింగ్స్, చెన్నై సూపర్ కింగ్స్ జట్లు అమీతుమీ తేల్చుకుంటున్నాయి. పాయింట్ల పట్టికలో మూడో స్థానంలో ఉన్న చెన్నై.. ఎనిమిదో స్థానంలో ఉన్న పంజాబ్‌ను ఢీకొంటోంది. ఈ మ్యాచ్‌లో టాస్ గెలిచిన పంజాబ్ సారథి సామ్ కర్రాన్ బౌలింగ్ ఎంచుకున్నాడు. దీంతో చెన్నై మొదట బ్యాటింగ్ చేయనుంది.
ఈ సీజన్‌లో చెన్నై జట్టుకు పదోసారి నాయకత్వం వహిస్తున్న రుతురాజ్ గైక్వాడ్ ఒకే ఒకేసారి టాస్ గెలిచాడు. ఈ లెక్కల పరంగా అతని టాస్ ప్రిడిక్షన్ ఎంత ఖచ్చితత్వంతో కూడినదో ఆలోచించదగినది. ఖాళీ సమయాల్లో టాస్ ప్రాక్టీస్ చేస్తున్నప్పటికీ అదృష్టం అతన్ని వరించడం లేదు.
Ruturaj Gaikwad in the toss in IPL 2024:
— Johns. (@CricCrazyJohns) May 1, 2024
Lost, Lost, Lost, Lost, Won, Lost, Lost, Lost, Lost, Lost. pic.twitter.com/LV4ERePJMH
తుది జట్లు
చెన్నై: రుతురాజ్ గైక్వాడ్ (కెప్టెన్), అజింక్యా రహానే, డారిల్ మిచెల్, మొయిన్ అలీ, శివమ్ దూబే, రవీంద్ర జడేజా, ఎంఎస్ ధోని (వికెట్ కీపర్), శార్దూల్ ఠాకూర్, దీపక్ చాహర్, రిచర్డ్ గ్లీసన్, ముస్తాఫిజుర్ రెహమాన్.
పంజాబ్: జానీ బెయిర్‌స్టో, సామ్ కర్రాన్(కెప్టెన్), రిలీ రోసోవ్, శశాంక్ సింగ్, జితేష్ శర్మ(వికెట్ కీపర్), అశుతోష్ శర్మ, హర్‌ప్రీత్ బ్రార్, హర్షల్ పటేల్, కగిసో రబడ, రాహుల్ చాహర్, అర్ష్‌దీప్ సింగ్.
