ఇన్నాళ్లు ఓ లెక్క.. ఇప్పుడో లెక్క.. లీగ్ దశ ముగింపు దశకు చేరుకుంది. ప్లే ఆఫ్స్ రేసు ఆస‌క్తిక‌రంగా మారింది. గెలిచిన జట్టు నాకౌట్ పోరుకు ముందడుగులు వేస్తే.. ఓడిన జట్టు టోర్నీ నుంచి బయటకు వెళ్లడానికి వెనక్కి నడవడమే. ఇలాంటి కీలక సమయంలో చెన్నై సూప‌ర్ కింగ్స్.. రాజస్థాన్ రాయల్స్‌తో తలపడుతోంది. చెన్నై, చెపాక్ వేదికగా జరుగుతోన్న ఈ మ్యాచ్‌లో టాస్ గెలిచిన రాయల్స్ కెప్టెన్ సంజూ సాంసన్‌ బ్యాంటింగ్‌ ఎంచుకున్నాడు.
ఇప్పటివరకూ 12 మ్యాచ్‌ల్లో 6 విజయాలు సాధించిన చెన్నై.. పాయింట్ల పట్టికలో నాలుగో స్థానంలో ఉంది. ప్లే ఆఫ్స్ రేసులో నిలవాలంటే ఈ మ్యాచ్‌లో రుతురాజ్ గైక్వాడ్ సేన తప్పక గెలవాల్సిందే. మరోవైపు 11 మ్యాచ్‌ల్లో ఎనిమిదింట విజయం సాధించిన రాయల్స్.. ఈ పోరులో గెలిస్తే ప్లే ఆఫ్స్ బెర్త్‌ ఖాయమైనట్లే.
తుది జట్లు
చెన్నై: రచిన్ రవీంద్ర, రుతురాజ్ గైక్వాడ్(కెప్టెన్), డారిల్ మిచెల్, మొయిన్ అలీ, శివమ్ దూబే, రవీంద్ర జడేజా, ఎంఎస్ ధోని(వికెట్ కీపర్), శార్దూల్ ఠాకూర్, తుషార్ దేశ్‌పాండే, సిమర్‌జీత్ సింగ్, మహేశ్ తీక్షణ.
రాజస్థాన్: యశస్వి జైస్వాల్, జోస్ బట్లర్, సంజు శాంసన్(కెప్టెన్/ వికెట్ కీపర్), రియాన్ పరాగ్, శుభమ్ దూబే, ధ్రువ్ జురెల్, రవిచంద్రన్ అశ్విన్, ట్రెంట్ బౌల్ట్, అవేష్ ఖాన్, సందీప్ శర్మ, యుజువేంద్ర చాహల్.
