నవాబుపేట, వెలుగు: ఎమ్యెల్యే జనంపల్లి అనిరుధ్రెడ్డి చొరవతో మండలంలోని హన్మసానిపల్లి ప్రైమరీ స్కూల్ రిపేర్ల కోసం రూ.7.37 లక్షల సీఎస్ఆర్ ఫండ్స్ రిలీజ్ అయ్యాయి. గ్రామంలోని గవర్నమెంట్ స్కూల్ సమస్యలను గ్రామస్తుల ద్వారా తెలుసుకున్న ఎమ్మెల్యే తన చిన్ననాటి స్నేహితుడు శ్రీకర్ సరిపల్లికి ట్విట్టర్లో పోస్ట్చేశారు. అతడి కంపెనీ ఎంవైకే ఆర్మెంట్ ప్రైవేట్ లిమిటెడ్ నుంచి సీఎస్ఆర్ స్కీంలో భాగంగా స్కూల్కు ఫండ్స్ మంజూరు చేయాలని కోరారు.
ఎమ్యెల్యే పోస్ట్కు స్పందించిన శ్రీకర్ తన కంపెనీ సీఎస్ఆర్ ఫండ్స్ నుంచి స్కూల్ రిపేర్ల కోసం రూ.7.37 లక్షలను కేటాయించారు. త్వరలోనే పనులను ప్రారంభిస్తామని ఎమ్యెల్యే అనిరుధ్రెడ్డి తెలిపారు. నియోజకవర్గంలోని స్కూళ్లలో సమస్యలు గుర్తించి ప్రభుత్వ నిధులతో పాటు తనకు తెలిసిన కార్పొరేట్ కంపెనీల సాయంతో పరిష్కరిస్తామని పేర్కొన్నారు. స్కూల్ సమస్యపై స్పందించి నిధులను మంజూరు చేయించిన ఎమ్యెల్యేకు గ్రామస్తులు కృతజ్ఞతలు తెలిపారు.
