బచ్చన్నపేట,వెలుగు: మూడు కరెంట్ ట్రాన్స్ఫార్లర్లు పగులగొట్టి కాపర్ వైర్ చోరీ చేసిన సంఘటన శనివారం తెల్లవారు జామున ఆలింపూర్ గ్రామంలో జరిగింది. రైతులు, కరెంట్ ఆఫీసర్లు తెలిపిన వివరాలు ఇలా ఉన్నాయి. జనగామ జిల్లా బచ్చన్నపేట మండలంలోని ఆలింపూర్ గ్రామంలో రైతుల వ్యవసాయ మోటార్లకు కరెంట్ సరఫరా కోసం మూడు 25కేవీ ట్రాన్స్ఫార్మర్లు ఫిట్ చేశారు.
దొంగలు వాటిని పగులగొట్టి సుమారు రూ. 2 లక్షల విలువైన కాపర్ వైర్ను చోరీచేశారు. బచ్చన్నపేట ఎస్సై సతీశ్ సంఘటన స్థలాన్ని పరిశీలించి కేసు నమోదు చేసుకున్నారు. ఇదే గ్రామంలో రెండు రోజుల కింద ఓ వ్యవసాయ మోటార్, పైపులు ఎత్తుకెళ్లారు. ఓ రైతు ఇంటి ముందు పెట్టిన బైకును సైతం చోరీచేశారు. మండలంలో తరచు కాపర్ వైర్ చోరీలు జరుగుతున్నా దొంగలను పట్టుకోలేకపోతున్నారు. ఈనెల రోజుల్లో పోచన్నపేట, నారాయణపూర్, చిన్నరామచర్లలతోపాటు పలు గ్రామల్లో రైతుల వ్యవసాయ మోటర్ల వద్ద కేబుల్ కట్చేసి కాపార్ వైర్ చోరీకి పాల్పడ్డారు. ఇప్పటికీ ఒక్క దొంగకూడ పట్టుపడలేదు.
