- కేంద్ర ప్రభుత్వం ఈ విషయాన్ని గుర్తించాలి
హైదరాబాద్, వెలుగు: సైబర్ నేరాలను ఓ కాలర్ ట్యూన్ పెట్టి ఆపలేమని, ఈ విషయాన్ని కేంద్రం గుర్తించాలని బీఆర్ఎస్ నేత కేటీఆర్ అన్నారు. ప్రపంచంలో టెక్నాలజీ పెరుగుతున్న కొద్దీ సైబర్ నేరాలు కూడా పెరుగుతున్నాయని తెలిపారు. ఆన్లైన్ గ్యాంబ్లింగ్తో ఎంతో మంది ప్రాణాలు కోల్పోతున్నారని, వాటిని ఆపడం ప్రభుత్వాలకు సవాల్గా మారిందని పేర్కొన్నారు. బెంగళూరులో గురువారం నిర్వహించిన ‘ఎంట్రప్రెన్యూర్ టెక్ అండ్ ఇన్నోవేషన్ సమిట్ 2025’లో కేటీఆర్ పాల్గొని మాట్లాడారు. ఆర్టిఫిషియల్ ఇంటెలిజెన్స్, క్వాంటం కంప్యూటింగ్, ఎక్స్టెండెడ్ రియాలిటీ వంటి సాంకేతికతలు ప్రపంచాన్ని సమూలంగా మార్చేస్తాయన్నారు.
