- డ్రగ్స్, మనీలాండరింగ్కేసులున్నాయంటూ బెదిరింపు
- కేసు లేకుండా చేస్తామని రూ.లక్షన్నర కొట్టేసిన కేటుగాళ్లు
బషీర్ బాగ్, వెలుగు : నగరానికి చెందిన 84 ఏండ్ల వృద్ధుడిని సైబర్ క్రిమినల్స్మోసగించారు. పోర్న్ వీడియోస్ చూస్తున్నావని, కేసు నమోదు చేస్తామని లక్షన్నర కొట్టేశారు. హైదరాబాద్ సైబర్ క్రైమ్ ఏసీపీ శివమారుతి కథనం ప్రకారం..రిటైర్డ్ప్రభుత్వ ఉద్యోగి అయిన ఓ వృద్ధుడి మొబైల్ కు కొద్ది రోజుల కింద సైబర్ చీటర్స్ ఫోన్ చేసి ‘మీ మొబైల్ సర్వీస్ డిస్కనెక్ట్అవుతుంది. కాబట్టి మొబైల్ లో 9 నంబర్నొక్కండి’ అని కోరారు. బాధితుడు వారు చెప్పినట్టు చేయగానే అతడి కాల్లక్నో లోని ఆలం బాగ్ పీఎస్కు కనెక్ట్అయ్యిందని నమ్మబలికారు.
సైబర్ నేరగాళ్లు పోలీసులుగా మాట్లాడుతూ బాధితుడి ఆధార్ వివరాలు సేకరించారు. తర్వాత అతడిపై పోర్న్ యాక్ట్ , మనీ లాండరింగ్, డ్రగ్స్ అక్రమ రవాణా కేసులు నమోదయ్యాయని బెదిరించారు. బాధితుడిపై ఢిల్లీలో జారీ అయ్యిందని చెప్తూ ఓ ఫేక్అరెస్ట్వారెంట్ ను వాట్సాప్ కు పంపించారు. కేసును సీబీఐకి రెఫర్చేశామని, కాల్ ను సీబీఐకి కనెక్ట్ చేస్తున్నట్లు చెప్పి నకిలీ సీబీఐ ఆఫీసర్లా మాట్లాడారు. కేసులు లేకుండా చూడాలంటే మూడు అకౌంట్లలో ఉన్న డబ్బులను పంపించాలని ఒత్తిడి చేశారు.
ఆ డబ్బును ఆర్బీఐ గైడ్లైన్స్ప్రకారం వెరిఫై చేసి తిరిగి పంపిస్తామని చెప్పారు. దీంతో అతడు అకౌంట్లలో ఉన్న రూ. 1,53,000 ను సైబర్ నేరగాళ్ల అకౌంట్ కు ట్రాన్స్ఫర్చేశాడు. వారి నుంచి మళ్లీ కాల్రాకపోవడంతో మోసపోయానని గ్రహించి సైబర్ క్రైమ్ పోలీసులకు ఫిర్యాదు చేశాడు. కేసు నమోదు చేసి దర్యాప్తు చేస్తున్నట్లు ఏసీపీ తెలిపారు.
