![డెలివరీ బాయ్ గా డ్రగ్స్ సప్లయ్ .. యువకుడిని అరెస్ట్ చేసిన సైబరాబాద్ పోలీసులు](https://static.v6velugu.com/uploads/2024/07/cyberabad-police-arrested-a-young-man-who-was-selling-drugs-as-delivery-boy_ZDrh8WgBFz.jpg)
గచ్చిబౌలి, వెలుగు: డెలివరీ బాయ్గా డ్రగ్స్ అమ్ముతున్న యువకుడిని సైబరాబాద్పోలీసులు అరెస్ట్ చేశారు. అతని వద్ద 15 గ్రాముల ఎండీఎంఏ, 22.500 కిలోల గంజాయి, 71 నిట్రోసన్ ట్యాబ్లెట్లు, 491 గ్రాముల హ్యాష్ ఆయిల్స్వాధీనం చేసుకుని సీజ్ చేశారు. మంగళవారం సైబరాబాద్ కమిషనరేట్లో మీడియా సమావేశంలో మాదాపూర్ జోన్డీసీపీ వినీత్వివరాలు వెల్లడించారు. రాజమండ్రికి చెందిన షేక్బిలాల్(28) ఇంటర్నుంచే గంజాయికి బానిసగా మారాడు. సిటీకి వచ్చి మాదాపూర్ఇజ్జత్నగర్లో రూమ్ తీసుకొని ఉంటూ జొమాటో డెలివరీ బాయ్గా జాయిన్అయ్యాడు.
స్థానికంగా గంజాయి అమ్మడం మొదలుపెట్టాడు. రాజమండ్రికి చెందిన భానుతేజ వద్ద ఎండీఎంఏను కొనుగోలు చేసి తీసుకొచ్చి విక్రయిస్తున్నాడు. సోషల్మీడియా ద్వారా 40 నుంచి 45 మంది ఐటీ ఎంప్లాయీస్ కు గంజాయి, ఎండీఎంఏ డ్రగ్స్సప్లై చేశాడు. మంగళవారం తన రూమ్ లో దాచిన 15 గ్రాముల ఎండీఎంఏ, 22.500 కేజీల గంజాయి, 71 నిట్రోసన్ ట్యాబ్లెట్లు, 491 గ్రాముల హ్యాష్ ఆయిల్ను టీజీ న్యాబ్అధికారులతో కలిసి మాదాపూర్పోలీసులు రైడ్చేసి పట్టుకున్నారు. షేక్బిలాల్ ను అరెస్ట్ చేసి రిమాండ్ కు తరలించారు. భానుతేజ ప్రస్తుతం జైలులో ఉన్నట్లు పోలీసులు తెలిపారు. ఈ సమావేశంలో టీజీన్యాబ్ ఎస్పీ సీతారాం, డీఎస్పీ నర్సింగరావు, మాదాపూర్ ఏడీసీపీ జయరాం, ఏసీపీ శ్రీకాంత్, టీజీ న్యాబ్ఇన్స్పెక్టర్రాజశేఖర్, మాదాపూర్ ఇన్స్పెక్టర్ కృష్ణమోహన్పాల్గొన్నారు.