గచ్చిబౌలి, వెలుగు: గచ్చిబౌలి జంక్షన్వద్ద ఔటర్ రింగ్ రోడ్డు నుంచి కొండాపూర్రూట్లో జరుగుతున్న శిల్పా లేఅవుట్ ఫ్లైఓవర్ ఫేజ్2 నిర్మాణ పనుల కారణంగా ఏడు రోజులపాటు (ఈ నెల 28 అర్ధరాత్రి వరకు) గచ్చిబౌలి ఫ్లైఓవర్ను క్లోజ్ చేస్తున్నట్లు సైబరాబాద్ ట్రాఫిక్ జాయింట్ సీపీ జోయల్ డేవిస్ తెలిపారు. బయో డైవర్సిటీ జంక్షన్ నుంచి ఐఐఐటీ జంక్షన్ వైపు వెళ్లే వాహనాలు ఫ్లైఓవర్ కింద నుంచి, ఐఐఐటీ జంక్షన్ నుంచి బయోడైవర్సిటీ జంక్షన్ వైపు వెళ్లే వాహనదారులు ఫ్లైఓవర్ పక్కనుంచి వెళ్లాలని సూచించారు.
పనులు స్లో.. తప్పని ట్రాఫిక్ ఇబ్బందులు
కొద్ది నెలలుగా శిల్పా లేఅవుట్ ఫ్లైఓవర్ ఫేజ్2 పనులు నెమ్మదిగా సాగుతున్నాయి. దీంతో ఈ రూట్లో ట్రాఫిక్ రద్దీ విపరీతంగా ఉంటోంది. ఉదయం, సాయంత్రం వేళల్లో వాహనదారులు ట్రాఫిక్లో నరకం చూస్తున్నారు. ఫ్లైఓవర్నిర్మాణ పనుల కారణంగా ఈ రూట్లో సైబరాబాద్ ట్రాఫిక్ పోలీసులు అర్ధరాత్రి నుంచి ఉదయం వరకు గచ్చిబౌలి ఫ్లైఓవర్ను క్లోజ్చేసి డైవర్షన్ విధించారు. గతంలోనూ ఒకటి, రెండుసార్లు ఫ్లైఓవర్ను వారంపాటు క్లోజ్ చేశారు తప్పితే పనులను తొందరగా పూర్తి చేయలేదు.
