- పోలీసులను ఆశ్రయించిన వృద్ధుడు
బషీర్ బాగ్, వెలుగు: ఆధార్కార్డుతో బ్యాంక్ అకౌంట్ క్రియేట్ చేసి సిటీకి చెందిన వృద్ధుడి నుంచి సైబర్ నేరగాళ్లు రూ.10.68 లక్షలు కొట్టేశారు. సైబర్ క్రైమ్‌ ఏసీపీ శివమారుతి తెలిపిన వివరాల ప్రకారం సిటీకి చెందిన వృద్ధుడు(76)కి ఇటీవల సైబర్నేరగాడు వాట్సాప్లో వీడియో కాల్చేశాడు. లక్నోలోని ఆలంబాగ్‌ పోలీస్‌‌గా పరిచయం చేసుకున్నాడు. వృద్ధుడి ఆధార్ కార్డును తీసుకుని బ్యాంక్అకౌంట్ క్రియేట్చేశారు. తర్వాత అతడిని బెదిరించి ఫిక్స్‌‌డ్‌ డిపాజిట్ల నుంచి రూ.10లక్షల68వేలు ట్రాన్స్ఫర్ చేయించుకున్నారు. తర్వాత బాధితుడు లబోదిబోమంటూ సైబర్ క్రైమ్‌ పోలీసులను ఆశ్రయించాడు.
పార్ట్‌ టైం జాబ్‌ పేరుతో రూ.7.7లక్షలు
పార్ట్‌ టైం జాబ్‌ పేరుతో సిటీకి చెందిన ప్రైవేట్ఉద్యోగి(34) నుంచి సైబర్ చీటర్స్ రూ.7.70లక్షలు కొట్టేశారు. ముందుగా వాట్సాప్ లో సంప్రదించి, టెలిగ్రామ్‌ గ్రూప్‌‌లో జాయిన్చేశారు. రోజూ ఇంటి నుంచే ఈజీగా డబ్బు సంపాదించవచ్చని నమ్మించారు. టాస్క్‌‌లు ఇస్తూ పూర్తి చేయాలని చెప్పారు. సెక్యూరిటీ డిపాజిట్‌ పేరుతో విడతల వారిగా రూ.7లక్షల70 వేలు కాజేశారు. చివరికి మోసపోయామని తెలుసుకున్న బాధితుడు సైబర్ క్రైమ్‌ పోలీసులకు ఫిర్యాదు చేశాడు.
