- ప్రావీణ్య పేరుతో డబ్బులు వసూలు చేసేందుకు సైబర్‍ నేరగాళ్ల ప్లాన్
వరంగల్, వెలుగు : వరంగల్ కలెక్టర్ ప్రావీణ్య పేరుతో సైబర్‍ నేరగాళ్లు ఫేక్‍ ఫేస్‍బుక్‍ అకౌంట్ క్రియేట్‍ చేశారు. ప్రొఫైల్‍ లో కలెక్టర్ ఫొటో పెట్టారు. ఆ అకౌంట్నుంచి పలువురికి ఫ్రెండ్ రిక్వెస్టులు పెట్టడంతోపాటు డబ్బులు కావాలంటూ మెసేజ్లు పెట్టారు. డబ్బులు పంపాల్సిన నంబర్(94776 414080) కూడా ఇచ్చారు. స్పందించిన వారితో మాటలు కలిపారు. తాను అర్జెంట్మీటింగ్లో ఉన్నానని,ఈ నంబర్కు డబ్బులు పంపి స్క్రీన్షాట్స్ పెట్టాలని సూచించారు.
పలువురి ద్వారా విషయం తెలుసుకున్న కలెక్టర్ ప్రావీణ్య.. తన ఒరిజినల్‍ ఫేస్‍బుక్‍ ఖాతా ద్వారా సైబర్‍ ఫ్రాడ్‍ విషయాన్ని షేర్‍ చేశారు. తన పేరుతో ఎవరు డబ్బులడిగినా ఇవ్వొద్దని సూచించారు. అలాంటి మెసేజెస్ వచ్చిన అకౌంట్ను బ్లాక్‍ చేయాలని చెప్పారు. ఈ విషయంపై పోలీసులకు ఫిర్యాదు చేశారు.
