గచ్చిబౌలి–కొండాపూర్ రూట్లో మూడు నెలలు తిప్పలు తప్పవ్

గచ్చిబౌలి–కొండాపూర్ రూట్లో డైలీ భారీగా ట్రాఫిక్ జామ్
ఫ్లై ఓవర్ నిర్మాణ పనుల కారణంగా డైవర్షన్స్
ఉదయం, సాయంత్రం వేళల్లో వెహికల్స్ రద్దీ
ఆఫీసులకు వెళ్లొచ్చే టైమ్లో ఇబ్బంది పడుతున్న ఎంప్లాయీస్

మాదాపూర్, వెలుగు: హైటెక్సిటీలో జరుగుతున్న అభివృద్ధి నిర్మాణాలతో వాహనదారుల రాకపోకలకు తీవ్ర ఇబ్బందులు ఏర్పడుతున్నాయి. గచ్చిబౌలి–కొండాపూర్రూట్లో కొత్తగా నిర్మిస్తున్న ఫ్లైఓవర్ పనుల కారణంగా సైబరాబాద్ట్రాఫిక్పోలీసులు మూడు నెలల పాటు ఆ రూట్ ను క్లోజ్చేసి ట్రాఫిక్డైవర్షన్అమలు చేస్తూ నాలుగు రోజుల క్రితం ఉత్తర్వులు జారీ చేశారు. ఆగస్టు 10వ తేదీ వరకు ప్రత్యామ్నాయ రూట్లలో వెళ్లాలని ట్రాఫిక్పోలీసులు ఎక్కడికక్కడ వాహనదారులను కట్టడి చేస్తున్నారు. దీంతో భారీగా ట్రాఫిక్జామ్ఏర్పడుతోంది. బయోడైవర్సిటీ–సైబర్టవర్స్, ఐకియా–ఏఐజీ హాస్పిటల్రూట్, గచ్చిబౌలి ఓఆర్ఆర్, శిల్పా లే అవుట్ఫ్లైఓవర్మీదుగా ఐకియా జంక్షన్రూట్లలో ఉదయం, సాయంత్రం వేళల్లో కిలోమీటర్ల కొద్దీ వాహనాలు బారులు తీరుతున్నాయి.

రూట్లు క్లోజ్చేసి డైవర్షన్

ఎస్ఆర్ డీపీ ప్రాజెక్టులో భాగంగా రాష్ట్ర ప్రభుత్వం గచ్చిబౌలి ఓఆర్ఆర్నుంచి కొండాపూర్వైపు ఫ్లైఓవర్ నిర్మాణ పనులు చేపడుతోంది. ఓఆర్ఆర్నుంచి గచ్చిబౌలి చౌరస్తా వరకు పిల్లర్ల నిర్మాణం పూర్తికాగా.. గచ్చిబౌలి చౌరస్తా నుండి కొండాపూర్వైపు పిల్లర్ల నిర్మాణం జరగాల్సి ఉంది. ఈ పనులను తొందరగా పూర్తిచేసేందుకు గచ్చిబౌలి–కొండాపూర్రూట్ను ట్రాఫిక్అధికారులు క్లోజ్చేశారు. ఈ రూట్లో వెళ్లే అన్ని వెహికల్స్ను బయోడైవర్సిటీ టూ సైబర్టవర్స్, బయోడైవర్సిటీ టూ ఏఐజీ రూట్, గచ్చిబౌలి ఐఐఐటీ నుంచి డీఎల్ఎఫ్రూట్, లెమన్ట్రీ నుంచి గూగుల్సిగ్నల్ రూట్లలో ట్రావెల్చేయాలని పోలీసులు రూట్మ్యాప్ రిలీజ్చేశారు.

4.4 కి.మీ. జర్నీకి ముప్పావుగంట

ఈ డైవర్షన్కారణంగా ఆయా రూట్లలో కిలోమీటర్ల కొద్దీ ట్రాఫిక్జామ్అవుతోంది. గచ్చిబౌలి టూ కొండాపూర్ రూట్క్లోజ్కావడంతో వెహికల్స్అన్నింటినీ ట్రాఫిక్ పోలీసులు బయోడైవర్సిటీ నుండి ఐకియా జంక్షన్ మీదుగా సైబర్టవర్స్, ఏఐజీ రూట్లలో మళ్లిస్తున్నారు. బయోడైవర్సిటీ నుండి సైబర్టవర్స్వరకు 4.4 కి.మీ. ట్రావెల్చేయడానికి సాధారణంగా 15 నిమిషాల సమయం పడుతుంది. అయితే, డైవర్షన్కారణంగా ఈ రూట్ మొత్తం వెహికల్స్తో నిండిపోయి దాదాపు ముప్పావుగంట పడుతోంది. ఐకియా జంక్షన్మొత్తం వెహికల్స్తో నిండిపోతోంది. ఉదయం 9 గంటల నుంచి మధ్యాహ్నం ఒంటి గంట వరకు, సాయంత్రం 5 గంటల నుంచి రాత్రి 9 గంటల వరకు రద్దీ కొనసాగుతోంది.

ప్రశ్నిస్తున్న వాహనదారులు

ఓ వైపు 40 డిగ్రీల ఎండలో డైవర్షన్లకారణంగా ఎక్కువ దూరం ట్రావెల్చేయాల్సి వస్తుండటం.. దీనికి తోడు భారీగా ట్రాఫిక్ జామ్అవుతుండటంతో అధికారులపై వాహనదారులు అగ్రహం వ్యక్తం చేస్తున్నారు. మూడు నెలల పాటు రోడ్లను క్లోజ్చేయడం ఏంటని రోడ్లపై డ్యూటీ చేస్తున్న ట్రాఫిక్పోలీసులతో వాహనదారులు గొడవకు దిగుతున్నారు. దీనిపై అధికారులు సైతం స్పందిస్తున్నారు. ఫ్లైఓవర్నిర్మాణ పనుల కారణంగా గచ్చిబౌలి–కొండాపూర్రూట్ ను క్లోజ్చేయాల్సి వచ్చిందని, ఇందుకు సహకరించాలని సైబరాబాద్ ట్రాఫిక్ ఉన్నతాధికారులు కోరుతున్నారు. ట్రాఫిక్ జామ్పై సైబరాబాద్ ట్రాఫిక్ జాయింట్ సీపీ నారాయణ్నాయక్ మంగళవారం ట్రాఫిక్అధికారులతో సమీక్షా సమావేశం నిర్వహించారు. రద్దీని తగ్గించడం, డైవర్షన్స్ పై తీసుకోవాల్సిన చర్యలపై చర్చించారు. రద్దీని తగ్గించేందుకు సలహాలు, సూచనలు, పరిష్కారాలు ఇవ్వాలని సిటిజన్స్ను కోరారు.

రాత్రి సమయంలో డైవర్షన్స్ పెట్టాలి

గచ్చిబౌలి–కొండాపూర్ రూట్ను క్లోజ్చేయడం వల్ల చుట్టూ తిరిగి వెళ్లాల్సి వస్తోంది. ట్రాఫిక్ జామ్ కారణంగా ఇంటికెళ్లేసరికి రాత్రి అవుతోంది. ఫ్లై ఓవర్ నిర్మాణ పనులను రాత్రి పూట చేపడుతూ, అప్పుడే ట్రాఫిక్ డైవర్షన్ పెడితే వాహనదారులకు ఎలాంటి ఇబ్బందులు ఉండవు.
– భారతి, స్టాఫ్ నర్స్, గచ్చిబౌలి

ఆఫీస్కు వెళ్లలేక వర్క్ఫ్రమ్హోం చేస్తున్న..
డైవర్షన్ వల్ల మియాపూర్ నుంచి

నానక్రాంగూడకు దూరం పెరగడంతో పాటు రద్దీఏర్పడుతుండటంతో ఆఫీస్కు టైమ్కు వెళ్లలేకపోతున్నా. దీంతో వర్క్ ఫ్రమ్ హోం తీసుకున్నా.
– శ్రీకాంత్, సాఫ్ట్వేర్ ఎంప్లాయ్