కల్వకుర్తి, వెలుగు: విజయ డెయిరీ నుంచి రెండు నెలలుగా పాల బిల్లులు చెల్లించడం లేదని పేర్కొంటూ సోమవారం పాడి రైతులు మండలంలోని తాండ్ర గేట్ రోడ్పై రాస్తారోకో నిర్వహించారు. ఈ సందర్భంగా రైతులు మాట్లాడుతూ పాల బిల్లు రాకుంటే తమ పరిస్థితి ఏమిటని ఆందోళన వ్యక్తం చేశారు.
ఒక్కో రైతుకు రూ. 50 వేల వరకు బకాయిలు ఉన్నాయని వాపోయారు. పాల బిల్లు ఇవ్వకుంటే ఎమ్మెల్యే క్యాంప్ ఆఫీస్ ముట్టడిస్తామన్నారు. కుమ్మరి హనుమంతు, సంతోష్ రెడ్డి, మల్లేశ్, కృష్ణ, జంగయ్య, వివిధ పార్టీల నాయకులు ఎట్టి ఆంజనేయులు, ఆనంద్, బొట్టె శ్రీను, ముద్రకోళ్ల శివయ్య, కమ్మరి రంగయ్య పాల్గొన్నారు.
