- జస్టిస్ బాలకృష్ణన్కమిషన్కు దళిత క్రిస్టియన్లు విజ్ఞప్తి
పంజాగుట్ట, వెలుగు:దళితులుగా పుట్టి మతం మారిన కారణంగా రిజర్వేషన్లు మార్చడం ఎంత మాత్రం సమర్ధనీయం కాదని రౌండ్ టేబుల్ సమావేశంలో వక్తలు అభిప్రాయపడ్డారు. కేంద్రం ఏర్పాటు చేసిన జస్టిస్ బాలకృష్ణన్కమిషన్ తెలంగాణకు వస్తున్న నేపథ్యంలో హరితప్లాజాలో సీఆర్ఐఐ ఆధ్వర్యంలో శనివారం రిటైర్డ్ఐపీ ఎస్ డాక్టర్ బాబురావు అధ్యక్షతన సమావేశం నిర్వహించారు. తెలంగాణ క్రిస్టియన్ మైనార్టీ ఫైనాన్స్ కార్పొరేషన్ చైర్మన్ దీపక్ జాన్, నేషనల్ క్రిస్టియన్ బోర్డు అధ్యక్షుడు జాన్ మాస్క్, ప్రొఫెసర్ గాలి వినోద్ తదితరులు హాజరై మాట్లాడారు. దేశంలో ఏ కులానికి లేనివిధంగా కేవలం దళితులు మతం మారిన వెంటనే, రిజర్వేషన్లను తొలగించడం విచారకరమని ఆవేదన వ్యక్తం చేశారు.
