- కాంగ్రెస్ ప్రభుత్వంలో విద్య, వైద్య రంగాలకు ప్రాధాన్యం
నిజామాబాద్/డిచ్పల్లి, వెలుగు : చదువును తప్పనిసరి చేయడానికి విద్యా హక్కు చట్టాన్ని ఎలాగైతే తెచ్చామో.. సర్కార్పక్షాన ఉచిత ట్రీట్మెంట్పొందే హక్కు చట్టాన్ని కూడా తేవాల్సిన అవసరముందని స్టేట్ హెల్త్మినిస్టర్ దామోదర రాజనరసింహ అభిప్రాయపడ్డారు. కాంగ్రెస్ గవర్నమెంట్ విద్య, వైద్య రంగాలకు అధిక ప్రాధాన్యం ఇస్తుందన్నారు. నిజామాబాద్ రూరల్ సెగ్మెంట్లోని జక్రాన్పల్లి మండల కేంద్రంలో గురువారం ఆయన గవర్నమెంట్హైస్కూల్ను ప్రారంభించారు. అనంతరం ఆయన మాట్లాడుతూ.. 2004లో కాంగ్రెస్ గవర్నమెంట్గొప్ప ఆలోచనతో రాజీవ్ ఆరోగ్యశ్రీని ప్రారంభించింద ని, బీఆర్ఎస్ పాలకులు దానిని నిర్లక్ష్యం చేశారని విమర్శించారు.
ఆ పథకాన్ని సమర్థంగా తీర్చిదిద్ది రూ.10 లక్షల వరకు ఉచిత వైద్యం పొందేలా మారుస్తామన్నారు. గవర్నమెంట్బడులపై చులకన భావం తొలగేలా నాణ్యమైన విద్యను ఇవ్వాలనే సంకల్పంతో ఉన్నామన్నారు. స్కూల్స్లో అన్ని రకాల సౌలతులు ఉండేలా ప్రజాప్రతినిధులు చొరవ చూపాలన్నారు. విద్య, వైద్యం ప్రతి ఒక్కరికీ అవసరమని, లాభాపేక్షతో కాకుండా సేవా దృక్పథంతో వీటి నిర్వహణ ఉండాలని మంత్రి సూచించారు. నిజామాబాద్ జిల్లాకు తెలంగాణ వర్సిటీ ఇచ్చిన విషయాన్ని ఆయన గుర్తు చేశారు. విద్యార్థులు గొప్ప ఆలోచనలు, ప్రణాళికతో ముందుకెళ్లి ఉన్నత స్థాయికి చేరుకోవాలన్నారు.
తెలంగాణ స్టేట్ఏర్పాటు ఆవశ్యకతను 2014లో తాము ఢిల్లీ పెద్దలకు చెప్పి ఒప్పించామని, కానీ.. తామే తెచ్చామని బీఆర్ఎస్లీడర్లు ప్రచారం చేసుకున్నారని విమర్శించారు. డిచ్పల్లికి మాతాశిశు ఆరోగ్య కేంద్రం, ఇందల్వాయిలో ట్రామా కేర్ సెంటర్ఏర్పాటు చేయాలని స్థానికఎమ్మెల్యే భూపతిరెడ్డి కోరగా మంత్రి అంగీకరించారు. బంగారు తెలంగాణలో ఆర్మూర్కు అంబులెన్స్ లేదని అక్కడి ఎమ్మెల్యే పైడి రాకేశ్రెడ్డి కామెంట్చేయగా.. కాంగ్రెస్ సర్కారు నుంచి ఇస్తామని మంత్రి స్పష్టం చేశారు.
సర్కార్బడికి దాతల విరాళం రూ.3 కోట్లు
జక్రాన్పల్లి మండలంలోని జడ్పీ హైస్కూల్ బిల్డింగ్నిర్మాణానికి గ్రామానికి చెందిన పైపుల రాజిరెడ్డి రూ.25 లక్షలు విరాళం ఇచ్చారు. ఆయన కుటుంబీకులు ఇతర ప్రాంతాల్లో బిజినెస్లో సెటిలైన వారు కలిసి రూ.3 కోట్ల విరాళం అందించారు. జక్రాన్పల్లి మంత్రి అత్తగారి ఊరు కావడంతో.. విలేజ్పెద్దల ఆహ్వానం మేరకు ఆయన వచ్చి ప్రారంభించారు.
