కాశీబుగ్గ(కార్పొరేషన్), వెలుగు: గ్రేటర్ సిటీలో నీటి ఎద్దడి లేకుండా సమగ్ర ప్రణాళికలతో సిద్ధంగా ఉండాలని ఎంఎయూడీ ప్రిన్సిపల్ సెక్రటరీ దాన కిశోర్ అధికారులకు సూచించారు. సోమవారం మున్సిపల్ కమిషనర్, ఇంజనీరింగ్ ఆఫీసర్లతో నీటి సరఫరా పై సమ్మర్ యాక్షన్ ప్లాన్లో భాగంగా వీడియో కాన్ఫరెన్స్ నిర్వహించారు. మున్సిపల్లో వేసవి సమస్యలు రాకుండా చూడాలని చెప్పారు. ఈ కార్యక్రమంలో ఎస్ఈలు కృష్ణ రావు, ప్రవీణ్ చంద్ర, ఈఈలు రాజయ్య, బీఎల్ శ్రీనివాస రావు, సంజయ్ కుమార్, శ్రీనివాస్, డిఈలు రవీకుమార్ ఉన్నారు.
ధర్మసాగర్ రిజర్వాయర్- ఫిల్టర్ బెడ్ పరిశీలన...
గ్రేటర్ వరంగల్లో నీటి సరఫరాలో ఇబ్బందులు లేకుండా చర్యలు చేపట్టాలని సోమవారం బల్దియా కమిషనర్ అశ్విని తానాజీ వాకడే అన్నారు. ఇంజనీరింగ్ ఆఫీసర్లతో కలిసి ధర్మసాగర్ ఫిల్టర్ బెడ్ను పరిశీలించారు. బల్దియాలో మూడు ఫిల్టర్ బెడ్ల ల్యాబ్లో క్లోరినేషన్ వివరాలను తెలుసుకున్నారు.
