DC vs CSK: టీ20 క్రికెట్‌లో ధోని సరికొత్త చరిత్ర.. ప్రపంచంలోనే తొలి వికెట్‌కీపర్‌

విశాఖపట్టణం వేదికగా ఢిల్లీ క్యాపిటల్స్‌తో జరుగుతున్న మ్యాచ్‌లో చెన్నై సూపర్ కింగ్స్ మాజీ సారథి, వికెట్ కీపర్ ఎంఎస్ ధోని ఒక అరుదైన మైలురాయిని చేరుకున్నాడు. ఈ మ్యాచ్ లో పృథ్వీ షాను అవుట్ (క్యాచ్) చేసిన ధోని, టీ20 క్రికెట్‌లో 300 అవుట్‌లు నమోదు చేసి సరికొత్త చరిత్ర సృష్టించాడు. ఈ ఘనత సాధించిన ప్రపంచంలోనే మొదటి వికెట్ కీపర్‌ ధోనీనే.

ఈ సీజన్‌లో ధోని ఇప్పటికే మూడు ఇన్నింగ్స్‌ల్లో నాలుగు క్యాచ్‌లు అందుకున్నాడు. తద్వారా టీ20 క్రికెట్‌లో అత్యధిక క్యాచ్‌లు పట్టిన క్వింటన్ డి కాక్ ఆల్-టైమ్ రికార్డ్‌ను బద్దలు కొట్టాడు.