నిజామాబాద్, వెలుగు: మొన్నటి అసెంబ్లీ ఎన్నికల్లో కోరుట్ల ప్రజలు ఎంపీ అర్వింద్కు కర్రుకాల్చి వాత పెట్టారని, లోక్సభ ఎన్నికల్లోనూ మూడో స్థానానికి పరిమితమవుతారని డీసీసీ ప్రెసిడెంట్ మానాల మోహన్రెడ్డి విమర్శించారు. మంగళవారం డీసీసీ ఆఫీస్ లో జరిగిన మీడియా సమావేశంలో ఆయన మాట్లాడారు. అర్వింద్గర్వాన్ని గుర్తించిన సొంత పార్టీ లీడర్లు ఆయనకు టికెట్ఇవ్వొద్దని ఆందోళనలు చేస్తుంటే, ఆ టాపిక్ను డైవర్ట్ చేయడానికి కాంగ్రెస్ నేత, ఎమ్మెల్సీ జీవన్రెడ్డిపై బురదజుల్లే ప్రయత్నం చేస్తున్నారని మండిపడ్డారు.
రాజకీయాల్లో మచ్చలేని మనిషిగా ఎమ్మెల్సీ జీవన్రెడ్డికి పేరుందన్నారు. అర్వింద్ కల్లిబొల్లి మాటలు నమ్మి ఆయన్ను గతంలో ఎంపీగా గెలిపించారని, నిజామాబాద్ ప్రజలు మరోసారి ఆ తప్పు చేయబోరన్నారు. అర్వింద్ పేపర్ పులి అని ఆయన జిల్లా అభివృద్ధికి చేసిందేమీ లేదన్నారు. పసుపు మద్ధతు ధర పెంచేలా చేస్తానని, నిజాం షుగర్స్ రీఓపెన్ బాధ్యత తీసుకుంటానని మోసగించారన్నారు. బీజేపీ కార్యకర్తలే ఎంపీగా అర్వింద్ను ఓర్చుకోలేక ధర్నాలు చేస్తున్నారన్నారు. ఎవరెన్ని కుట్రలు చేసినా లోక్సభ ఎన్నికల్లో జిల్లాలో కాంగ్రెస్ గెలుపు ఖాయమన్నారు. మాజీ ఎమ్మెల్సీ ఆకుల లలిత, తాహెర్, కేశావేణు పాల్గొన్నారు.
