యాదాద్రి, వెలుగు : ప్రభుత్వ విప్, ఆలేరు ఎమ్మెల్యే బీర్ల ఐలయ్యపై చట్టపరమైన చర్యలు తీసుకోవాలని డీసీసీబీ మాజీ చైర్మన్ గొంగిడి మహేందర్రెడ్డి అధికారులను కోరారు. ఈ మేరకు యాదాద్రి డీసీపీ రాజేశ్చంద్రను ఆయన కలిసి ఫిర్యాదు చేశారు. అనంతరం మీడియాతో మాట్లాడుతూ దేవాదాయశాఖ నిబంధనలకు వ్యతిరేకంగా ఎమ్మెల్యే వ్యవహరించారని ఆరోపించారు.
గుట్టలో లక్ష్మీనర్సింహస్వామిని మాజీ మంత్రి హరీశ్రావు సహా పలువురు ఎమ్మెల్యేలు, ఎమ్మెల్సీలు దర్శించుకున్నారన్న అక్కసుతో ఐలయ్య మాడవీధులను శుద్ధి చేశారని తెలిపారు. దేవాదాయశాఖ నిబంధనలు ఉల్లంఘించిన ఎమ్మెల్యేతోపాటు ఇతర కాంగ్రెస్లీడర్లపై చర్యలు తీసుకోవాలని కోరారు. ఆయన వెంట బీఆర్ఎస్ లీడర్లు వెంకటయ్య, బీరయ్య, నరహరి, రవీందర్ గౌడ్, రాంరెడ్డి ఉన్నారు.
