ఉప్పల్, వెలుగు: రామంతాపూర్ చిన్న చెరువులో మహిళ డెడ్ బాడీ తేలిన ఘటన ఉప్పల్ పీఎస్ పరిధిలో జరిగింది. బుధవారం మధ్యాహ్నం చెరువులో ఓ మహిళ మృతదేహాన్ని చూసిన స్థానికులు వెంటనే ఉప్పల్ పోలీసులకు సమాచారం అందించారు. అక్కడికి వెళ్లిన పోలీసులు మహిళ డెడ్ బాడీని బయటకు తీశారు. ఆమె వయస్సు 60 ఏండ్లు ఉండొచ్చని, ఒంటిపై ఎలాంటి గాయాలు లేవని, కేసు నమోదు చేసి దర్యాప్తు చేస్తున్నట్లు చెప్పారు. ఎవరైనా మహిళను గుర్తిస్తే ఉప్పల్ పోలీస్ స్టేషన్ కు సమాచారం అందించాలని సూచించారు.
