ఇల్లెందు, వెలుగు : ఈనెల 28 నుంచి గిరిజన సంక్షేమ గురుకులాల 7వ రాష్ట్ర స్థాయి ఆటల పోటీలను సుదిమళ్ల గిరిజన గురుకుల కళాశాలలో నిర్వహించనున్నట్లు ఖమ్మం రీజియనల్ కో-ఆర్డినేటర్ రాజు, కళాశాల ప్రిన్సిపాల్ అరుణకుమారి తెలిపారు. ఆదివారం స్థానిక విలేకరులతో వారు మాట్లాడుతూ రాష్ట్ర వ్యాప్తంగా ఉన్న గిరిజన గురుకులాలను నాలుగు జోన్లుగా విభజించినట్లు తెలిపారు.
ఆదిలాబాద్ జోన్-1, కరీంనగర్, జయశంకర్ భూపాలపల్లి జోన్--2, ఖమ్మం, నల్గొండ జోన్--3, మహబూబ్ నగర్, రంగారెడ్డి జోన్--4 వారీగా డివైడ్ చేశారన్నారు. ప్రతీ జోన్ నుంచి 300 మంది విద్యార్థుల చొప్పున1200 మంది అండర్ 14, అండర్ 17 విభాగాల్లో కబడ్డీ, ఖోఖో, వాలీబాల్, తదితర గేమ్స్, అథ్లెటిక్స్ పోటీల్లో పాల్గొంటారని చెప్పారు. అక్టోబర్ నెల నల్గొండలో జరిగిన జోనల్ స్థాయి క్రీడల్లో గెలుపొందిన వారు ఈ పోటీల్లో పాల్గొంటారని తెలిపారు.
