సీఎం మీద పరువునష్టం దావా వేస్తా

• నేను ఎవ్వరి అయ్యకు భయపడ: కేటీఆర్​

• రంగారెడ్డి జిల్లా కందుకూరులో బీఆర్ఎస్​ ఆధ్వర్యంలో రైతు ధర్నా 

ఇబ్రహీంపట్నం, వెలుగు: తనమీద అడ్డగోలుగా మాట్లాడిన మంత్రి మీద కేసు వేశానని, సీఎం మీద కూడా పరువునష్టం దావా వేస్తానని బీఆర్ఎస్​ వర్కింగ్​ ప్రెసిడెంట్  కేటీఆర్​ తెలిపారు. తాను తప్పే చేయనప్పుడు ఎవ్వరి అయ్యకు భయపడేదే లేదని అన్నారు. తాను ప్రధాని మోదీకే భయపడలేదని చెప్పారు. రంగారెడ్డి జిల్లా కందుకూరు క్రాస్ రోడ్డులో బీఆర్ఎస్​ ఆధ్వర్యంలో నిర్వహించిన రైతు ధర్నాలో కేటీఆర్ ​మాట్లాడారు. ‘రేవంత్​రెడ్డి ప్రభుత్వం పది నెలల్లో సాధించిందేమీ లేదు. పేదల పథకాలకు ఇవ్వడానికి డబ్బులు లేవంటున్నరు. 

మూసీ సుందరీకరణకు కేటాయింపులు చేస్తున్నరు. మూసీలోని ఎన్ని ఎకరాలకు నీళ్లిస్తరో రేవంత్​రెడ్డి వద్ద సమాధానం ఉందా? ’ అని​ ప్రశ్నించారు. మూసీ సుందరీకరణకు రూ. లక్ష యాభై వేల కోట్లు ఇస్తున్న సీఎంకు.. పేదల పథకాలకు మాత్రం ఇవ్వడానికి డబ్బులు లేవా? అని అడిగారు. మూసీ సుందరీకరణ కేవలం కమీషన్ల కోసమేనని ఆరోపించారు. ఈ ప్రాంతంలో ఫార్మాసిటీ కోసం సేకరించిన భూములను తమ ప్రభుత్వం రాగానే తిరిగి రైతులకే ఇచ్చేస్తామని బస్సు యాత్రలు చేసి మరీ చెప్పారని, కానీ ఎందుకు ఇవ్వడం లేదని ప్రశ్నించారు.

సబితక్క కొడుకులకు ఫామ్​హౌస్​లు ఏడున్నయ్?

‘సబితక్క ముగ్గురు కొడుకులకు ఫామ్​హౌస్‌‌‌‌‌‌‌‌లు ఉన్నవి అంటున్నవ్. ఏడున్నవో చెప్తే మేమే కూలగొడ్తం’ అని రేవంత్​నుద్దేశించి కేటీఆర్​ వ్యాఖ్యానించారు. ‘40 ఏండ్ల నుంచి అన్ని ట్యాక్సులు కట్టించుకుని ఆక్రమణ దారులంటున్నవ్​. బుల్డోజర్లు పంపుతనంటున్నవ్​..నిజంగా నీకు చిత్తశుద్ధి ఉంటే కొడంగల్‌‌‌‌‌‌‌‌లోని రెడ్డికుంటలో నీ ఇల్లు కూలగొట్టు.. నీ అన్న తిరుపతి రెడ్డి దుర్గం చెరువులో కట్టుకున్న ఇల్లు కూలగొట్టు.. ఏమన్నా ఉంటే మావి కూడా కూలగొట్టు కానీ..పేదల జోలికి పోవద్దు’ అని అన్నారు. ఈ కార్యక్రమంలో సబితా రెడ్డి, మహమూద్​అలీ, ఎమ్మెల్యే ముఠాగోపాల్, సురభి వాణీదేవి పాల్గొన్నారు.