ఐపీఎల్ 2025 లో మంగళవారం (ఏప్రిల్ 22) సూపర్ ఫైట్ కు రంగం సిద్ధమైంది. వరుస విజయాలతో ఊపు మీదున్న ఢిల్లీ క్యాపిటల్స్, లక్నో సూపర్ జయింట్స్ తలపడుతున్నాయి. లక్నోలోని ఏకనా క్రికెట్ స్టేడియంలో జరగనున్న ఈ మ్యాచ్ లో టాస్ గెలిచి ఢిల్లీ క్యాపిటల్స్ బౌలింగ్ ఎంచుకుంది. ఈ టోర్నీలో ఢిల్లీ క్యాపిటల్స్ ఇప్పటివరకు ఆడిన 7 మ్యాచ్ ల్లో 5 విజయాలు సాధించింది. మరోవైపు లక్నో 8 మ్యాచ్ ల్లో 5 గెలిచింది. నేడు జరగనున్న మ్యాచ్ లో ఏ జట్టు గెలిచినా.. ఆరో విజయంతో ప్లే ఆఫ్ కు చేరువవుతుంది. ఈ మ్యాచ్ లో ఢిల్లీ క్యాపిటల్స్ ప్లేయింగ్ 11 లోకి శ్రీలంక ఫాస్ట్ బౌలర్ చమీర వచ్చాడు. మరోవైపు లక్నో ఎలాంటి మార్పులు చేయలేదు.
లక్నో సూపర్ జెయింట్స్ (ప్లేయింగ్ XI):
ఐడెన్ మార్క్రామ్, మిచెల్ మార్ష్, నికోలస్ పూరన్, రిషబ్ పంత్(కెప్టెన్, వికెట్ కీపర్), అబ్దుల్ సమద్, డేవిడ్ మిల్లర్, శార్దూల్ ఠాకూర్, దిగ్వేష్ సింగ్ రాఠీ, రవి బిష్ణోయ్, అవేష్ ఖాన్, ప్రిన్స్ యాదవ్
Also Read : ఐపీఎల్‌లో రహానే అరుదైన రికార్డ్
ఢిల్లీ క్యాపిటల్స్ (ప్లేయింగ్ XI):
అభిషేక్ పోరెల్, కరుణ్ నాయర్, కేఎల్ రాహుల్(వికెట్ కీపర్), అక్షర్ పటేల్(కెప్టెన్), ట్రిస్టన్ స్టబ్స్, అశుతోష్ శర్మ, విప్రజ్ నిగమ్, మిచెల్ స్టార్క్, కుల్దీప్ యాదవ్, దుష్మంత చమీరా, ముఖేష్ కుమార్
