ఢిల్లీ ఎలక్ట్రిక్ బస్సుల్లో మూడు రోజులు ఫ్రీ జర్నీ

ఢిల్లీలో పొల్యూషన్ కంట్రోల్ చేసేందుకు సీఎం అరవింద్ కేజ్రీవాల్ బృహత్తర కార్యక్రమానికి శ్రీకారం చుట్టారు. ఈ క్రమంలో ఎలక్ట్రిక్ బస్సులను ప్రవేశపెడుతున్నారు. అందులో భాగంగానే ఇవాళ ఇంద్రప్రస్థ బస్సు డిపో నుంచి 150 ఎలక్ట్రిక్ బస్సులను జెండా ఊపి ప్రారంభించారు. ఈ బస్సుల్లో మూడు రోజులపాటు ప్రజలు ఉచితంగా ప్రయాణం చేయవచ్చని అధికారులు ఓ ప్రకటనలో తెలిపారు. ప్రయాణికుల సౌకర్యార్థం ఎలక్ట్రిక్ బస్సుల్లో అన్ని వసతులు కల్పించామన్నారు. ఇందులో సీసీ టీవీ కెమెరాలు,GPS,10 పానిక్ బటన్లు, వికలాంగుల కోసం ర్యాంప్‌లు మొదలైనవి ఉన్నాయి. వచ్చే నెలలో మరో 150 ఎలక్ట్రిక్ బస్సులను అందుబాటులోకి తెస్తామని చెప్పారు.