దేశ రాజధాని ఢిల్లీలో దారుణ ఘటన చోటు చేసుకుంది. పట్టపగలు అందరూ చూస్తుండగా యువతిని దారుణంగా హతమార్చాడు ఓ దుండగుడు. పార్క్‌లో బెంచ్‌పై కూర్చున్న యువతి తలపై ఇనుప రాడ్డుతో అతి కిరాతకంగా కొట్టి చంపాడు. ఈ ఘటన ఢిల్లీలోని మాలవీయనగర్ శివాలిక్‌లోని విజయ్ మండల్ పార్క్‌లో చోటు చేసుకుంది.
పెళ్ళికి ఒప్పుకోలేదని..
పోలీసులు తెలిపిన వివరాల ప్రకారం.. నిందితుడు ఇర్ఫాన్ (28) డెలివరీ బాయ్గా పనిచేస్తున్నాడు. అతనికి బంధువైన యువతి(25) నగరంలోని కమలా నెహ్రూ కాలేజీలో చదువుతోంది. తనను పెళ్లి చేసుకోవాలంటూ యువతిని వేధించేవాడు ఇర్ఫాన్. ఈ విషయాన్ని యువతి ఇంట్లో చెప్పగా.. వారు అందుకు అంగీకరించలేదు. ఉద్యోగం లేదన్న కారణంతో అతనితో పెళ్లికి నిరాకరించారు.
ఈ క్రమంలో ఇద్దరూ కలిసి అరబిందో కాలేజీ సమీపంలోని పార్కుకు వచ్చారు. అక్కడ ఇద్దరి మధ్య ఏం జరిగిందో కానీ, నిందితుడు పక్కనున్న ఇనుప రాడ్‌ తీసుకొని యువతి తలపై బలంగా మోదాడు. దీంతో ఆ విద్యార్థిని అక్కడికక్కడే ప్రాణాలు కోల్పోయింది. ఈ దాడి అనంతరం నిందితుడు అక్కడి నుంచి పరారయ్యాడు. సమాచారం అందుకున్న పోలీసులు.. నిందితుడిని అదుపులోకి తీసుకున్నారు. కేసు నమోదు చేసిన పోలీసులు.. దర్యాప్తు చేపట్టారు. పెళ్ళికి అంగీకరించకపోవడం వల్లే ఈ ఘటన జరిగిండొచ్చని పోలీసులు అనుమానిస్తున్నారు.
? Irfan killed his cousin by hitting her with an iron rod in a park in South Delhi, Today.
— ????? ??? (@ShubhThoughts) July 28, 2023
• The victim was a college student who had refused Irfan's marriage proposal.
• Irfan was arrested by the Delhi Police and a case of murder was filed against him. pic.twitter.com/KEWxEgIAw8
