చందానగర్, వెలుగు: కొరియర్ లో వచ్చిన ఐ ఫోన్లను డెలివరీ బాయ్ కొట్టేశాడు. ఒక సంస్థ ఆర్డర్ చేసిన ఐ ఫోన్లు కొరియర్ లో ఉన్నట్లు తెలుసుకుని డెలివరీ బాయ్ 10 ఫోన్లు చోరీ చేసి.. మిగతా వాటిని డెలివరీ చేశాడు. ఫోన్లు ఆర్డర్ చేసిన సంస్థ ఆలస్యంగా తెలుసుకుని గురువారం చందానగర్ పోలీసులకు ఫిర్యాదు చేసినట్టు.. కేసు వివరాలను చందానగర్ పోలీసులు కూడా గోప్యంగా ఉంచారు. నిందితుడిని అరెస్ట్ చేశాక పూర్తి వివరాలను తెలియజేస్తామని చందానగర్ ఇన్ స్పెక్టర్ పాలవెల్లి తెలిపారు.
