- ఎన్నికల ప్రచారంలో, ఫండ్ రైసింగ్లో దూకుడు
వాషింగ్టన్: అమెరికా అధ్యక్ష ఎన్నికల ప్రచారంలో డెమొక్రటిక్ క్యాండిడేట్ కమలా హారిస్ దూసుకుపోతున్నారు. నవంబర్ 5న జరిగే జనరల్ ఎలక్షన్స్లో రిపబ్లికన్ క్యాండిడేట్ డొనాల్డ్ ట్రంప్ను ఓడించి తీరుతామని, విజయం తమదేనని ఆమె ధీమా వ్యక్తం చేస్తున్నారు. అధ్యక్ష ఎన్నికల రేసు నుంచి జో బైడెన్ తప్పుకొని అమెరికా ఉపాధ్యక్షురాలు కమలా హారిస్ను అధ్యక్ష అభ్యర్థిగా ప్రకటించినప్పటి నుంచి ఆమె ప్రచారాన్ని ముమ్మరం చేశారు. కమల చేపడ్తున్న ఫండ్ రైసింగ్ క్యాంపెయిన్కు జనం నుంచి భారీ స్పందన వస్తున్నది.
శాన్ఫ్రాన్సిస్కోలో ఆదివారం జరిగిన ఫండ్ రైసింగ్ సభలో ఆమె మాట్లాడుతూ.. ‘‘ఈసారి కూడా మనదే గెలుపు” అని అన్నారు. ఈ సభలో 12 మిలియన్ల డాలర్ల విరాళాలు వచ్చాయి. 700 మంది దాతలు, పలువురు ప్రముఖ ఇండియన్ అమెరికన్స్ పాల్గొన్నారు. అధ్యక్ష అభ్యర్థిగా తెరమీదికి వచ్చి ఇంకా నెలరోజులు కూడా కాకముందే ఆమె ట్రంప్పై ఆధిపత్యం కనబరుస్తున్నారు. కాగా.. విస్కాన్సిన్‌, పెన్సిల్వేనియా, మిషిగాన్‌ రాష్ట్రాల్లో ఇటీవల న్యూయార్క్‌ టైమ్స్‌, సియానా కాలేజ్‌ సంయుక్తంగా నిర్వహించిన పోల్‌ సర్వేలో ట్రంప్ కంటే కమలా హారిస్ 4% మేర ఆధిక్యంలో ఉన్నట్లు తేలింది.
