- పార్టీ ఆఫీస్ రెగ్యులరైజేషన్ అప్లికేషన్ రద్దు చేసిన మున్సిపాలిటీ
- దీంతో హైకోర్టును ఆశ్రయించిన పార్టీ నాయకత్వం
- ప్రత్యామ్నాయ మార్గం చూపాలని హైకోర్టు డైరెక్షన్
నల్గొండ, వెలుగు : నల్గొండ జిల్లా బీఆర్ఎస్ పార్టీ ఆఫీస్ కూల్చివేతకు తాత్కాలికంగా బ్రేడ్పడినట్టే కనిపిస్తోంది. ఆగస్టు 11లోగా పార్టీ ఆఫీస్ కూల్చివేయాలని జిల్లా మంత్రి కోమటిరెడ్డి వెంకట్రెడ్డి అధికారులకు డెడ్లైన్ పెట్టిన సంగతి తెలిసిందే. అయితే నెలరోజులు అవుతున్నా పార్టీ ఆఫీస్ కూల్చివేతపై అధికారుల నుంచి ఎలాంటి కదలిక లేదు. పార్టీ ఆఫీస్ ను టచ్చేస్తే అంతుచూస్తామని మాజీ ఎమ్మెల్యే కంచర్ల భూపాల్రెడ్డి సైతం హెచ్చరించారు. కాంగ్రెస్, బీఆర్ఎస్ మధ్య పార్టీ ఆఫీస్ వివాదం పెద్ద రాజకీయ దుమారం రేపింది.
పార్టీ బిల్డింగ్కు మున్సిపల్పర్మిషన్ లేదని, దాన్నికూల్చేయాలని డీటీసీపీ కమిటీ సిఫార్సు చేసింది. దీంతో అధికారులు సైతం టెన్షన్ పడ్డారు. చివరకు బీఆర్ఎస్ నాయకత్వం హైకోర్టును ఆశ్రయించింది. రెగ్యులరైజేషన్ పర్మిషన్ లేనందున దీనికి ప్రత్యామ్నాయం మార్గం చూపాలని హైకోర్టు డైరెక్షన్ ఇచ్చిందని మున్సిపల్ కమిషనర్ముసాక్ అహ్మద్తెలిపారు. ప్రస్తుతానికి పార్టీ ఆఫీస్ కూల్చివేత ఆగిపోయినట్టేనని భావిస్తున్నారు. ప్రత్యామ్నాయ మార్గం చూపడమనే అంశం ప్రభుత్వ పరిశీలనలో ఉందని, అప్పటివరకు వెయిట్ చేయక తప్పదని మున్సిపల్ వర్గాలు
తెలిపాయి.
