వనపర్తి, వెలుగు: ఎఫ్టీఎల్, బఫర్ జోన్ పరిధిలో ఉన్న నిర్మాణాల కూల్చివేత రెండో రోజూ కొనసాగింది. శుక్రవారం మున్సిపల్ ఆఫీసర్లు నల్లచెరువు, మర్రికుంట చెరువు, తాళ్లచెరువు, అమ్మచెరువుల ఎఫ్టీఎల్, బఫర్ జోన్ల సర్వే చేపట్టారు. నల్లచెరువు వద్ద వెంచర్ గోడను రెండో రోజూ కూల్చివేశారు. మర్రికుంట చెరువు, తాళ్లచెరువు పరిధిలో అక్రమ నిర్మాణాలకు నోటీసులు ఇచ్చారు.
అమ్మ చెరువు వద్ద గోడ బఫర్ జోన్కి వస్తుందని గుర్తించారు. మున్సిపల్ అధికారులు హైడ్రాను అమలుచేస్తుండడంతో గతంలో చెరువుల వద్ద ప్లాట్లు కొని ఇళ్లు నిర్మించుకున్న వారు, ప్లాట్లు ఉన్న వారిని బీసీ పొలిటికల్ జేఏసీ చైర్మన్ రాచాల యుగంధర్ గౌడ్ బాధితులతో మాట్లాడారు. బాధిత కుటుంబాలకు న్యాయం చేయాలని ప్రభుత్వాన్ని కోరారు.
