- వైరల్ ఫీవర్తో జనం బేజారు
- అపరిశుభ్ర పరిసరాలతో వ్యాధుల వ్యాప్తి
- ఇప్పటికే జిల్లాలో 65 కేసుల గుర్తింపు
నిజామాబాద్, వెలుగు : జిల్లాలో డెంగ్యూ, వైరల్ ఫీవర్ కేసులు రోజురోజుకూ అధికమవుతున్నాయి. పల్లె, పట్టణం తేడా లేకుండా అన్ని ప్రాంతాల్లో వ్యాధులు వ్యాపిస్తున్నాయి. దీంతో బాధితులు దవాఖానాల చుట్టూ తిరగాల్సి వస్తోంది. ప్రస్తుతం జిల్లాలో 65 డెంగ్యూ కేసులు నమోదైనట్లు మెడికల్ అండ్హెల్త్ ఆఫీసర్లు పేర్కొన్నారు. గడిచిన పదిరోజుల్లోనే 15 డెంగ్యూ కేసులు నమోయ్యయాయి. రెండు రోజుల కింద ఎడపల్లి మండల కేంద్రంలో సంపత్కుమార్గౌడ్(24) అనే యువకుడు డెంగ్యూతో మృతి చెందడం ఆందోళన కలిగిస్తోంది. వైరల్ఫీవర్ బాధితుల సంఖ్య వందల్లో ఉంది.
హాస్పిటిళ్ల కిటకిట..
జిల్లా కేంద్రంలోని జీజీహెచ్ హాస్పిటల్లో డైలీ 1500 ఓపీలను పరీక్షిస్తారు. డెంగ్యూ విస్తరణ నేపథ్యంలో ఇన్ పేషెంట్ల కోసం వంద బెడ్లను ప్రత్యేకంగా కేటాయించారు. ప్రస్తుతం ఇక్కడ నలుగురు డెంగ్యూ ట్రీట్మెంట్పొందుతున్నారు. నగరంలోని వివిధ ప్రైవేట్హాస్పిటల్స్లో 61 మంది ట్రీట్మెంట్ పొందుతున్నారని మెడికల్ఆఫీసర్లు నిర్ధారించారు. అధిక జ్వరం, భరించలేని ఒళ్లు నొప్పులు, రక్తంలో ప్లేట్లెట్లు పడిపోవడం తదితర డెంగ్యూ లక్షణాలతో చికిత్సలు చేయించుకుంటున్నారు.
వైరల్ఫీవర్ ప్రజలను మరింత బేజార్ చేస్తోంది. పీహెచ్ సీలు, సబ్సెంటర్లకు వస్తున్న ప్రతీ వంద మందిలో 30 మంది వైరల్ఫీవర్తో బాధపడుతున్నారు. గ్రామాల్లో ఆర్ఎంపీ, పీఎంపీల వద్ద ట్రీట్మెంట్ తీసుకుంటున్నవారూ అదే సంఖ్యలో ఉన్నారు. దీంతో హాస్పిటళ్లు కిటకిట లాడుతున్నాయి. నవీపేట మండలం సుభాష్నగర్ఏరియాలో అనేక మంది వైరల్జ్వరాలతో బాధపడుతున్నారు. పట్టణ ప్రాంతాల్లోని మురికివాడల్లోనూ పరిస్థితి తీవ్రంగా ఉంది.
భారీ వర్షాల తర్వాత ఇంక్యూబేషన్..
నగరం, మున్సిపాలిటీ, పల్లెల్లో మురికి కాలువలు నిండిపోతున్నాయి. వీటిని వారాల తరబడి క్లీన్చేయకుండా అలాగే ఉంచడం, వర్షం నీటితో నిండిన గుంతలు, ఓపెన్ప్లాట్లలో నిలిచిన నీటితో దోమల వ్యాప్తి చెందుతున్నాయి. వర్షం నీరు రెండు వారాలకు మించి గుంతలో ఉంటే దోమలకు స్థావరం అవుతుంది. దీన్ని వైద్య పరిభాషలో ఇంక్యూబేషన్ పీరియడ్ అంటారు. దోమల వ్యాప్తి లేకుండా స్ర్పే మందు పిచికారీ చేయాలి.
లార్వా వ్యాప్తిని అరికట్టే గంబుసియా చేపలను డ్రైనేజీల్లో వదలాలి. మత్స్య శాఖ నుంచి వీటిని పొందేవీలుంది. నీటిగుంటల్లో ఆయిల్బాల్స్ జారవేయడంతో కూడా ప్రయోజనం ఉంటుంది. పట్టణాల్లో ఓపెన్జాగాలున్న ఉన్న ఓనర్లు బరంతి మట్టి పోసుకునేలా నోటీసులు ఇస్తామని కొత్తగా వచ్చిన నగర పాలక కమిషనర్ మకరంద్ నెల కింద చెప్పారు. కానీ ఇంకా అమలు కాలేదు.
వ్యాధుల కాలం..అప్రమత్తత అవసరం
జ్వరాన్ని నిర్లక్ష్యం చేయకుండా ఎలీసా టెస్ట్ చేయించుకొని నిర్ధారించుకోవాలి. ప్రైమరీ స్టేజ్లో ట్రీట్మెంట్ తీసుకుంటే ఫలితాలు మెరుగ్గా ఉంటాయి. గవర్నమెంట్ హాస్పిటల్స్లో ఇందుకు ట్రీట్మెంట్ ఉంటుంది, ప్రైవేటుకు వెళ్లొద్దు. డిసెంబరు వరకు సీజనల్వ్యాధుల ప్రబలే అవకాశాలు అధికంగా ఉంటాయి. ప్రజలు అప్రమత్తంగా ఉంటూ, జాగ్రత్తలు పాటించాలి.
– తుకారాం రాథోడ్, జిల్లా మలేరియా అధికారి
