- ఖమ్మంలో డెంటల్ స్టూడెంట్ సూసైడ్
- హాస్టల్లో పెట్రోల్ పోసుకుని నిప్పంటించుకుని మృతి
ఖమ్మం, వెలుగు : ఖమ్మంలోని మమత మెడికల్ కాలేజీలో డెంటల్ నాలుగో సంవత్సరం స్టూడెంట్ ఆత్మహత్యకు పాల్పడ్డారు. వరంగల్కు చెందిన మానస(22) ప్రైవేట్ హాస్టల్లో ఉంటూ చదువుకుంటున్నారు. ఆదివారం హాస్టల్ రూమ్లో ఆమె పెట్రోల్ పోసుకుని నిప్పంటించుకున్నారు. మంటలు చెలరేగడంతో విద్యార్థినులు భయంతో పరుగులు తీశారు. నిర్వాహకులు రూమ్ తలుపులు బద్దలుకొట్టి లోనికి వెళ్లే సరికే ఆమె పూర్తిగా కాలిపోయారు. సమాచారం అందుకున్న పోలీసులు ఘటనా స్థలానికి వెళ్లి మృతదేహాన్ని ఖమ్మం ప్రభుత్వ ఆస్పత్రికి తరలించారు. కేసు నమోదు చేసి ఎంక్వైరీ చేస్తున్నామని, మానస ఆత్మహత్యకు కారణాలు తెలియరాలేదన్నారు.
