భద్రాద్రికొత్తగూడెం, వెలుగు : స్టూడెంట్స్ సైంటిస్టులుగా ఎదిగేందుకు సైన్స్ టాలెంట్ టెస్టులు దోహదపడుతాయని డీఈఓ ఎం. వెంకటేశ్వరాచారి అన్నారు. కొత్తగూడెంలోని సింగరేణి ఉన్నత పాఠశాలలో గురువారం నిర్వహించిన జిల్లా స్థాయి సైన్స్ టాలెంట్ టెస్ట్లో విజేతలకు ఆయన బహుమతులను అందజేశారు. ఈ సందర్భంగా మాట్లాడుతూ చిన్నతనం నుంచే ప్రయోగాల పట్ల స్టూడెంట్స్ అవగాహన కల్పించేందుకు సైన్స్ టాలెంట్ టెస్ట్లు చాలా ఉపయోగకరంగా ఉంటాయన్నారు.
ప్రోగ్రాంలో జిల్లా విద్యాశాఖ అకడమిక్ మానిటరింగ్ఆఫీసర్ నాగరాజ శేఖర్, జిల్లా సమ్మిళిత విద్యా అధికారి ఎస్కే. సైదులు, జిల్లా ప్లానింగ్ కో ఆర్డినేటర్ ఎన్. సతీశ్, జిల్లా సైన్స్ ఆఫీసర్ చలపతి రాజు, సైన్స్ టీచర్లు జీ. అనురాధ, ఎ. శంకర్, టీ.మాధవరావు, ఉమాదేవి, సునందిని, బోళ్ల శ్రీనివాసరావు పాల్గొన్నారు.
