ఉప్పునుంతల/వంగూరు, వెలుగు: టెన్త్లో వంద శాతం ఉత్తీర్ణత సాధించాలని డీఈవో రమేశ్కుమార్ సూచించారు. బుధవారం వంగూరు, ఉప్పునుంతల మండలాల్లోని వంగూర్, డిండిచింతపల్లి, నిజామాబాద్, ఉప్పునుంతల, పిరట్వానిపల్లి స్కూళ్లను డీఈవో తనిఖీ చేశారు. టెన్త్ విద్యార్థుల సామర్థ్యాన్ని పరిశీలించారు. సబ్జెక్టుల వారీగా విద్యార్థులను పరీక్షలకు సన్నద్ధం చేయాలని సూచించారు.
కోస్గి/మద్దూరు: పదో తరగతి విద్యార్థులకు ప్రత్యేక తరగతులను పకడ్బందీగా నిర్వహించి, ఉత్తమ ఫలితాలు సాధించేలా కృషి చేయాలని డీఈవో గోవిందరాజులు సూచించారు. బుధవారం పట్టణంలోని ప్రభుత్వ ఉన్నత, జడ్పీ బాయ్స్, గర్ల్స్ స్కూళ్లతో పాటు మద్దూరు జడ్పీ హైస్కూల్ను తనిఖీ చేశారు. ప్రత్యేక తరగతులపై హెచ్ఎంలు ప్రత్యేక చొరవ తీసుకోవాలని, రికార్డుల నిర్వహణ, మధ్యాహ్న భోజనం అమలులో నిర్లక్ష్యం చేయవద్దని సూచించారు. డీఈఓ వెంట ఎంఈవో శంకర్నాయక్ ఉన్నారు.
