- ఒడిశా, బెంగాల్పైనే ఎఫెక్ట్
హైదరాబాద్, వెలుగు : బంగాళాఖాతంలో రెండ్రోజుల్లో తుఫాన్ ఏర్పడనుంది. సోమవారం బంగాళాఖాతంలో ఏర్పడిన అల్పపీడనం.. మంగళవారం నాటికి వాయుగుండంగా బలపడింది. అది క్రమంగా గురువారం నాటికి తుఫాన్ గా మారనుంది. శుక్రవారం తీవ్ర తుఫాన్గా బలపడనుంది. దీనికి వాతావరణ శాఖ ‘దానా’గా పేరు పెట్టింది. అయితే ఈ తుఫాన్ వల్ల తెలంగాణపై ప్రభావం ఉండదని వాతావరణ శాఖ వెల్లడించింది.
ఒడిశా, పశ్చిమ బెంగాల్పై తీవ్ర ప్రభావం ఉంటుందని పేర్కొంది. ఏపీలోని కోస్తా జిల్లాల్లోనూ భారీ నుంచి అతిభారీ వర్షాలు పడే అవకాశం ఉందని తెలిపింది. ఈ నెల 24 లేదా 25న తీరం దాటే అవకాశం ఉందని చెప్పింది. ఈ తుఫాన్ ప్రభావం మన రాష్ట్రంలో పెద్దగా ఉండదని, పలు జిల్లాల్లో తేలికపాటి నుంచి మోస్తరు వర్షాలు మాత్రమే కురుస్తాయని పేర్కొంది.
గురు, శుక్రవారాల నుంచి రాష్ట్రంలో పొడి వాతావరణం ఏర్పడేందుకు అవకాశం ఉందని వెల్లడించింది. హైదరాబాద్లో రెండ్రోజుల పాటు మబ్బులు పట్టి ఉంటుందని, తేలికపాటి జల్లులు కురిసే అవకాశం ఉందని పేర్కొంది.
దానా తుఫాన్తో 41 రైళ్లు రద్దు
సికింద్రాబాద్, వెలుగు: దానా తుఫాన్ ప్రభావంతో దక్షిణ మధ్య రైల్వే అప్రమత్తమైంది. ఈస్ట్ కోస్ట్ రైల్వే పరిధిలో నడిచే 41 రైళ్లను రద్దు చేసింది. ఈ నెల 23, 24, 25, 27 తేదీల్లో సర్వీసులందించే పలు రైళ్లను రద్దు చేస్తున్నట్టు దక్షిణ మధ్య రైల్వే సీపీఆర్వో శ్రీధర్ ఓ ప్రకటనలో వెల్లడించారు.
రద్దు చేసిన రైళ్ల వివరాలను ‘ఎక్స్’ లో పోస్ట్ చేశారు. బంగాళాఖాతంలో ఏర్పడిన అల్పపీడనం బుధవారం సాయంత్రానికి తుఫాన్ గా మారి ఈ నెల 24న పూరి– బెంగాల్ తీరాన్ని దాటనుందని వాతావరణ శాఖ అధికారులు వేశారు.
