ఇటీవల గ్లోబల్ వాటర్ సెక్యూరిటీ రిపోర్టును యునైటెడ్ నేషన్స్ ఆర్గనైజేషన్ యూనివర్సిటీ (యూఎన్యూ) విడుదల చేసింది. ఈ రిపోర్ట్ ప్రకారం ప్రపంచంలో 2020 నాటికి భారత్, చైనా సహా 113 దేశాల్లోని 560 కోట్ల మంది (72 శాతం)ని నీటి కష్టాలు చుట్టుముట్టనున్నాయి. పాకిస్తాన్, ఇథియోపియా, హైథీ తదితర 24 దేశాల్లోని 6.42 కోట్ల మంది (8 శాతం) ప్రజలకు తాగడానికి పరిశుభ్రమైన తాగునీళ్లు దొరకడం కష్టమేనని, జల సంక్షోభంతో తీవ్రమైన ఆహార కొరత ఏర్పడటం వల్ల ఆకలి చావులు పెరిగే అవకాశం ఉందని నివేదిక పేర్కొన్నది.
- ప్రపంచ జనాభాలో సుమారు 100 కోట్ల మంది (20 శాతం) మందికి మాత్రమే తగినన్ని పరిశుభ్రమైన నీళ్లు అందుబాటులో ఉన్నాయని రిపోర్టు స్పష్టం చేసింది.
- యూఎన్ఓ నిర్దేశించిన 17 సుస్థిరాభివృద్ధి సూచికల్లో ప్రధానమైంది అందరికీ సరిపడా పరిశుభ్రమైన నీటిని అందుబాటులో ఉంచడం. ఈ లక్ష్యంపై యూఎన్యూ 186 దేశాల్లో నివసిస్తున్న 778 కోట్ల ప్రజలకు 2030 నాటికి పరిశుభ్రమైన నీరు ఏ మేరకు అందుబాటులో ఉంటుందనే అంశంపై అధ్యయనం చేసింది. అందులో వెల్లడైన అంశాలతో ప్రపంచ జలభద్రత నివేదికను ఇటీవల విడుదల చేసింది.
- పాకిస్తాన్, ఇథియోపియా, హైతీ, చాద్, లైబేరియా, మడగాస్కర్ తదితర 24 దేశాల్లోని 6.42 కోట్ల మందికి తాగడానికి పరిశుభ్రమైన గుక్కెడు నీళ్లు కూడా అందుబాటులో ఉండవు.
- ఫిన్లాండ్, అమెరికా, న్యూజిలాండ్, నార్వే, యునైటెడ్ కింగ్డమ్, స్వీడన్, స్విట్జర్లాండ్, లక్సెంబర్గ్, లాతివయా తదితర దేశాల్లోని 100 కోట్ల మంది 49 దేశాల్లోని 100 కోట్ల మంది ప్రజలకు మాత్రమే తగినన్ని పరిశుభ్రమైన నీళ్లు అందుబాటులో ఉంటాయి.
