భారత నౌకాదళం మరో మైలురాయిని చేరుకున్నది. పూర్తిగా అణు సామర్థ్యంతో కూడిన దేశ తొలి బాలిస్టిక్ క్షిపణి వ్యవస్థ కలిగిన న్యూక్లియర్ మిసైల్ జలాంతర్గామి ఐఎన్ఎస్ అరిహంత్ స్ఫూర్తి, డిజైన్ అనుభవంతో మరో అణు జలాంతర్గామి ఐఎన్ఎస్ అరిఘాత్ను భారత నౌకాదళం నిర్మించింది.
- తూర్పు నౌకాదళానికి చెందిన యుద్ధనౌకల స్థావరం విశాఖపట్నం నేవల్ డాక్యార్డులోని షిప్ బిల్డింగ్ సెంటర్లో 2011, డిసెంబర్లో అరిహంత్ మాదిరిగానే అరిఘాత్ నిర్మాణాన్ని చేపట్టారు.
- తొలి దశ నిర్మాణం తర్వాత 2017, నవంబర్ 19న జల ప్రవేశం చేయించారు. అనంతరం అంతర్గత విభాగాల పరికరాల బిగింపు, ఆధునిక సాంకేతిక పరిజ్ఞానంతో రాడార్ వ్యవస్థ, ఆయుధ సంపత్తిని సమకూర్చడం వంటి కీలక పనులన్నింటినీ పూర్తి చేశారు. సీ ట్రయల్స్ ప్రక్రియను పలు దఫాలుగా చేపట్టారు.
