మహేష్ బాబు మేనల్లుడు అశోక్ గల్లా హీరోగా అర్జున్ జంధ్యాల తెరకెక్కించిన చిత్రం ‘దేవకి నందన వాసుదేవ’. ఈనెల22న సినిమా విడుదలవుతున్న నేపథ్యంలో ప్రీ రిలీజ్ ఈవెంట్ నిర్వహించారు. హీరో సుధీర్ బాబు, దర్శకులు బోయపాటి శ్రీను ముఖ్య అతిథులుగా హాజరై బెస్ట్ విషెస్ చెప్పారు. అశోక్ గల్లా మాట్లాడుతూ ‘ప్రశాంత్ వర్మ ఇంటరెస్టింగ్‌ స్టోరీ ఇచ్చారు. అర్జున్ గారి గ్రేట్ విజన్‌‌తో బాలా చాలా గ్రాండ్‌‌గా నిర్మించారు. సినిమా అద్భుతంగా వచ్చింది. చాలా కాన్ఫిడెంట్‌‌గా ఉన్నాం’ అని చెప్పాడు. తను రాసిన కథల్లో మాస్‌ ఎంటర్‌‌‌‌టైనర్ ఇదని, హీరో పాత్రకు అశోక్ పర్ఫెక్ట్‌‌గా యాప్ట్ అయ్యాడని ప్రశాంత్ వర్మ చెప్పాడు.
దర్శకుడు అర్జున్ జంధ్యాల మాట్లాడుతూ ‘కొత్త కంటెంట్. డివైన్ థీమ్తో తీసిన సినిమా ఇది. చూసిన ప్రతి ప్రేక్షకుడు అద్భుతమైన సినిమాని తీశారని ప్రశంసిస్తారు’ అని అన్నాడు. నిర్మాత సోమినేని బాలకృష్ణ మాట్లాడుతూ ‘కథని నమ్మి ఎక్కడా రాజీపడకుండా తీశాం. సినిమాపై నమ్మకంతో ఐదు నిమిషాల కంటెంట్ ముందుగానే చూపించాం. అంచనాలకు మించి ఉంటుంది’ అని చెప్పారు. హీరోయిన్ మానస వారణాసి, నటుడు దేవదత్త సహా టీమ్ అంతా పాల్గొన్నారు.
