- అమానవీయంగా వ్యవహరించిన అధికారి
- పోలీసుల వాహనం ఓవర్స్పీడ్గా నడపడం వల్లే ప్రమాదం
చండూరు, వెలుగు : బైక్ పై వెళ్తున్న ఒకరిని దేవరకొండ డీఎస్పీ నాగేశ్వరరావు వెహికల్వేగంగా వచ్చి ఢీకొట్టింది. ఈ ఘటనలో బైక్పై వెళ్తున్న వ్యక్తి తీవ్రంగా గాయపడగా, బాధితుడిని దవాఖానాకు తరలించడంలో పోలీసులు అమానవీయంగా వ్యవహరించడంతో విమర్శలు వెల్లువెత్తుతున్నాయి. గురువారం సాయంత్రం దేవరకొండ డీఎస్పీ నాగేశ్వర్రావు పోలీస్ వెహికల్లో మునుగోడు వెళ్తున్నారు. అదే టైంలో యాదాద్రి జిల్లా రామన్నపేట మండలం జనంపల్లి గ్రామానికి చెందిన సంగిశెట్టి ధనుంజయ (65) బైక్పై మునుగోడు మీదుగా చండూరు వెళ్తున్నాడు. అయితే ఓవర్స్పీడ్తో వస్తున్న డీఎస్పీ వాహనం బోడంగిపర్తి శివారులోని టర్నింగ్వద్ద ధనుంజయ బైక్ను ఢీకొట్టింది. దీంతో ధనుంజయ ఎగిరి కిందపడి తీవ్రంగా గాయపడ్డాడు.
వెంటనే వెహికల్దిగిన డీఎస్పీ, ఇతర పోలీసులు.. బాధితుడిని దవాఖానాకు తరలించాలని అనుకున్నారు. అయితే అంబులెన్స్లోనో..లేక వారి వాహనం వెనక సీట్లోనో తీసుకెళ్లకుండా డిక్కీలో పడుకోబెట్టారు. బాధితుడికి దెబ్బలు తాకి రక్తమోడుతున్న అలాగే 25 కిలోమీటర్ల దూరంలోని నల్గొండ గవర్నమెంట్హాస్పిటల్కు తీసుకువెళ్లి అడ్మిట్ చేశారు. అంతకుముందే ప్రమాదం జరిగిన చోటు నుంచే డీఎస్పీ వెళ్లిపోయారు. నల్గొండలో ధనుంజయ పరిస్థితి విషమంగా ఉందని గుర్తించిన డాక్టర్లు హైదరాబాద్లోని ప్రైవేట్దవాఖానాకు తరలించారని చండూరు ఎస్ఐ నవీన్కుమార్ చెప్పారు. ధనుంజయ బైక్ను డీఎస్పీ వెహికల్ ఢీకొట్టిన దృశ్యాలు అక్కడున్న సీసీటీవీ కెమెరాల్లో రికార్డయ్యాయి.
