చార్మినార్ శ్రీభాగ్యలక్ష్మి అమ్మవారి దర్శనానికి భక్తులు పోటెత్తుతున్నారు. గురు, శుక్రవారాల్లో వేలాదిగా తరలివచ్చారు. దీపావళి పండుగ సందర్భంగా ఇక్కడ ప్రత్యేక వెండి నాణేలను పంపిణీ చేస్తున్నారు. నాణెంపై ఓ వైపు భాగ్యలక్ష్మి అమ్మవారు, మరో వైపు చార్మినార్ను ముద్రించారు. ఏడాదంతా అమ్మవారికి భక్తులు సమర్పించిన వెండితో ఈ నాణేలు చేయించి భక్తులకు పంచడం ఆనవాయితీగా వస్తున్నదని ఆలయ ట్రస్ట్ చైర్పర్సన్ శశికళ తెలిపారు.
నాణేల కోసం శుక్రవారం గుల్జార్హౌజ్ వరకు భక్తులు బారులు తీరారు. గవర్నర్ జిష్ణు దేవ్ వర్మ, హైకోర్టు జస్టిస్ అమర్ నాథ్ గౌడ్, ఎమ్మెల్యేలు, ఎమ్మెల్సీలు అమ్మవారిని దర్శించుకున్నారు. శనివారం కూడా వెండి నాణేలను పంపిణీ చేయనున్నారు. వెలుగు, చార్మినార్
