భద్రాచలం, వెలుగు : ఈ ఏడాది జరిగే శ్రీరామనవమి సీతారాముల కల్యాణ బ్రహ్మోత్సవాల్లో పుష్పాలంకరణ కోసం నెల్లూరుకు చెందిన భక్తులు సంతోష్, సాహిత్య దంపతులు బుధవారం రూ.12లక్షలను విరాళంగా ఈవో రమాదేవికి అందజేశారు. భద్రాచలం తాతగుడి సెంటర్కు చెందిన ఎం.సుశీల సీతారామచంద్రస్వామి నిత్యాన్నదాన పథకానికి రూ. లక్ష విరాళం ఇచ్చారు. అంతకుముందు ఉదయం ఉత్సవమూర్తులకు ప్రాకార మండపంలో పంచామృతాలతో అభిషేకం జరిగింది. బేడా మండపంలో నిత్య కల్యాణం జరగ్గా భక్తులు కంకణాలు ధరించి పాల్గొన్నారు. సాయంత్రం దర్బారు సేవ జరిగింది.
