మహదేవపూర్, వెలుగు: జయశంకర్ భూపాలపల్లి జిల్లా మహదేవపూర్ మండలం కాళేశ్వరంలో బుధవారం మౌని అమావాస్య సందర్భంగా భక్తుల రద్దీ పెరిగింది. త్రివేణి సంగమం వద్ద పుణ్యస్నానాలు చేసేందుకు భక్తులు పెద్ద సంఖ్యలో తరలివచ్చారు. స్వామి వారి గర్భగుడిలో అభిషేక పూజలు నిర్వహించారు. భక్తులకు ఎలాంటి ఇబ్బందులు తలెత్తకుండా అన్ని ఏర్పాట్లు చేసినట్టు దేవస్థానం ఈవో మహేశ్ పర్యవేక్షకులు బుర్రి శ్రీనివాస్ గౌడ్ తెలిపారు. ఎలాంటి ఘటనలు చోటుచేసుకోకుండా కాళేశ్వరం ఎస్సై తమాషా రెడ్డి బందోబస్తు నిర్వహించారు.
