ఒక్కరోజే లక్ష మంది..బడా గణేశుడి దర్శనానికి బారులు

ఒక్కరోజు లక్ష మంది భక్తుల దర్శనం
తరలివచ్చిన వీఐపీలు..
ఆకట్టుకున్న సాంస్కృతిక కార్యక్రమాలు

ఖైరతాబాద్/హైదరాబాద్సిటీ, వెలుగు:ఖైరతాబాద్లో కొలువైన శ్రీసప్తముఖ మహాశక్తి గణపతిని దర్శించుకునేందుకు భక్తులు క్యూ కడుతున్నారు. గురువారం ఒక్కరోజే దాదాపు లక్ష మంది భక్తులు వినాయకుడిని దర్శించుకున్నారని అంచనా. మరోవైపు సాధారణ భక్తులతోపాటు వీఐపీలు బడా గణపతి దర్శనానికి తరలివచ్చారు.

మాజీ ఉపరాష్ట్రపతి ఎం.వెంకయ్యనాయుడు, మాజీ క్రికెటర్వెంకటేశ్ప్రసాద్, రాజ్యసభ సభ్యుడు ఆర్.కృష్ణయ్య, బీజేపీ ఎమ్మెల్యే మహేశ్వర్రెడ్డి, టీడీపీ పొలిట్బ్యూరోసభ్యుడు అరవింద కుమార్గౌడ్ దర్శించుకున్నారు. ఈ సందర్భంగా మండపం ప్రాంగణంలో నిర్వహించిన సాంస్కృతిక కార్యక్రమాలు ఆకట్టుకున్నాయి. స్థానిక నృత్య శిక్షణాలయానికి చెందిన విద్యార్థులు కూచిపూడి నృత్యంతో అలరించారు.

నిమజ్జనానికి ఇద్దరు స్పెషల్ ఆఫీసర్లు

గణేశ్నిమజ్జనం సజావుగా సాగేందుకు జీహెచ్ఎంసీ కమిషనర్ ఆమ్రపాలి ఇద్దరు అడిషనల్ కమిషనర్లను స్పెషల్ ఆఫీసర్లుగా నియమించారు. ఖైరతాబాద్ జోన్ బాధ్యతలను పంకజకు, సికింద్రాబాద్ జోన్ బాధ్యతలను రఘుప్రసాద్ కు అప్పగించారు. ట్యాంక్ బండ్ పై జరిగే నిమజ్జనం ఈ రెండు జోన్ల పరిధిలోకే వస్తుంది. ఈ నేపథ్యంలో కమిషనర్స్పెషల్ ఆఫీసర్లను
నియమించారు.

మరిన్ని వార్తలు