వైకుంఠ ఏకాదశి అధ్యయనోత్సవాల్లో భాగంగా గోదావరి తీరంలో గురువారం రాత్రి నిర్వహించిన సీతారాముల తెప్పోత్సవం నయనానందకరంగా సాగింది. అంతకుముందు తిరుమంగై ఆళ్వార్ పరమపదోత్సవం వేదోక్తంగా నిర్వహించారు. పోటెత్తిన భక్తులు ప్రత్యేకంగా నిర్వహించిన ఏరు ఫెస్టివల్ను భక్తులు తిలకించి పులకించారు. మూడు రోజుల ఈ ఫెస్టివల్లో పరంపర ఫౌండేషన్ కళాకారుల నృత్యరూపకాలు హైలెట్గా నిలిచాయి.
ఐటీడీఏ ఆశ్రమ పాఠశాలలకు చెందిన చిన్నారులు ప్రదర్శించిన శాస్త్రీయ, ఆదివాసీ సంప్రదాయ రేలా నృత్యాలు కనువిందు చేశాయి. స్నానఘాట్పై ఏర్పాటు చేసిన స్టాల్స్ భక్తులతో సందడిగా మారాయి. గోదావరిలో పుణ్యస్నానాలు ఆచరించి, సీతారాముల జలవిహారం తెప్పోత్సవం చూసి మురిసిపోయారు. - భద్రాచలం, వెలుగు
