కోటపల్లి, వెలుగు : నూతన జాతీయ విద్యావిధానం 2020లో భాగంగా జాతీయ ఉపాధ్యాయ విద్యామండలి (ఎన్సీటీఈ) ఆధ్వర్యంలో ఏర్పాటు చేసిన నేషనల్ మిషన్ ఆన్ మానిటరింగ్ (ఎన్ఎంఎం) సభ్యురాలిగా కోటపల్లి మండలంలోని దేవులవాడ హైస్కూల్ జీవశాస్త్ర ఉపాధ్యాయురాలు నూగురి అర్చన ఎంపికయ్యారు. ఈ సందర్భంగా హెచ్ఎం, సహచర టీచర్లు అర్చనను అభినందించారు. అర్చన 2023 సంవత్సరానికి గాను జాతీయ ఉత్తమ ఉపాధ్యాయురాలిగా ఎంపికై రాష్ట్రపతి చేతుల అవార్డు అందుకున్నారు.
ఈ నేపథ్యంలోనే కేంద్ర విద్యాశాఖ నేషనల్ మానిటరింగ్ కమిటీకి ఎంపిక చేసింది. ఈ మేరకు ఎన్సీటీఈ–ఎన్ఎంఎం కన్వీనర్ దినేశ్ చతుర్వేది నుంచి ఈమెయిల్ ద్వారా సమాచారం అందుకున్నారు. మానిటరింగ్ మిషన్లో భాగంగా జీవ శాస్త్ర బోధనా పద్ధతులు, ఆర్ట్ ఎడ్యుకేషన్, జాతీయ విద్యా విధానాల కరికులం, డిజిటల్ ఎడ్యుకేషన్ వంటి అంశాలపై వివిధ రాష్ట్రాల ఉపాధ్యాయులకు అర్చన శిక్షణ ఇవ్వనున్నారు.
